Жирэмсэн эмэгтэй траншейнд унаж бэртсэний хариуцлагыг “Нарлаг”, “Ачлал” их дэлгүүр “Баярбаясгалан трейд”-ын хэн нь хүлээх вэ ?
Нийтэлсэн: 2015-05-18 05:44:28
.jpg)
Гадаадын компаниуд томрох тусмаа улам бүр нийгмийн хариуцлагаа ухамсарлагч өглөгч хандивлагч болдог бол Монголынх эсрэгээрээ улам бүр хахир хатуу хүн чанаргүй болдог нь үнэн аж. Үдэш орой харих замдаа траншейнд унасан эмэгтэйн хохирлыг Монголын томд орох компани болох “Нарлаг”, “Ачлал” их дэлгүүр, “Баярбаясгалан трейд”-ын хэн ч хариуцахгүй хэмээн бие бие рүүгээ түлхэж сууна. Бие давхар эмэгтэй траншейны нүхэнд унаад 103-т дуудлага өгчээ. Гэмтэлд очиход зулбаад байна хэмээн Эх нялхас руу явуулж. Тэнд очоод артерийн судас задарсан байна гээд хоёр цагийн турш оёдол хийлгэж. Хөдөөнөөс ирсэн тул нэг ч эмнэлэг харьяаллын биш гээд хүлээж аваагүй тул “АСЭ” эмэгтэйчүүдийн эмнэлэгт 450.0 мянган төгрөгөө хэвтэж 24 мянгаар шинжилгээн хийлгэжээ. Энэ мэтээр Отгонтэнгэр эмнэлэгт 240, Энхжин эмнэлэгд 34 мянгаар бариа засал хийлгэж. Тухайн үед нэг capтай жирэмсэн байсанд гэмилийн улмаас үр хөндүүлж. Ингээд эмчилгээд гарсан зардлаа буруутай этгээдээр төлүүлэх гэсэнд гурван том компани хүний үнэргүй зан гаргасан гэнэ. Арай гайгүй “Нарлаг” их дэлгүүр нь төлбөр төлж болох ч заавал “Ачлал трейд”, “Баярбаясгалан трейд”-тай хуваалцана, учир нь тэр унасан гэх траншейгээр бүгдийнх нь бохирын ус гүйдэг гэжээ. “Баярбаясгалан трейд” нь манайд хамаагүй, манай байгууллагын гадаа үүдэнд байгаа болохоор хариуцагчаар татах ёсгүй, бид траншейны нүхний битүүмжийг хийх үүрэггүй гээд халгаасангүй. Алдарт “Ачлал трейд” нь мөн л бохирын цооног манай “Ачлал” их дэлгүүрээс хамгийн ойр байх хойд талын хаалганаас л гэхэд 70 гаруй метрийн хол зайнд байрлаж байгаа тул бидэнд хамаагүй гэжээ. Үнэндээ гурван том компани тус бүр нь 500-600 мянгыг төлөхөд л хөөрхий эмэгтэйн хохирол барагдахаар байж. Мөнгө төлөхгүй гэсэн гурав бие биенийхээ муу муухайг дуудалцаж гарчээ. “Ачлал” их дэлгүүр нь “Баярбаясгалан трейд”-ийг техникийн зөвшөөрөл, нөхцөлгүйгээр “Намнантрейд”-ийн узелиэс ус авч хэрэглэдэг, тус компаний “Намуун” кафены гаднах шугам сүлжээ нь тухайн байгууллагын өмчлөлд байдаг тул траншейны тагийг хийх битүүмжлэх үүрэгтэй гэж буруутгажээ.
NUUTS.MN
