Модигийн гар барилт буюу МАН-ын мулгуу пиар
Энэтхэгийн ЕС Моди манай улсад айлчилж байна. Манай “горзгорын” сурмаар нэг зүйл байгаа нь Энэтхэгийн айлчлалын багт нэг ч сайд, гишүүн эсвэл намын “том дарга” алга. Ердөө ҮАБЗ-ийн дарга болон Хил хамгаалах газрын удирдлагаа дагуулж ирсэн нь хамтран ажиллах салбарынхаа хүрээнд л бүрэлдэхүүнээ тогтоожээ. Харин манай гурвын нэг нь гадаадад айлчилах болох МАНАН-гаас гадна гомдчихно гээд МАХН, ИЗНН-аас хүртэл төлөөлөл оруулна. Нөгөөдүүл нь “эсгий хийх газрын хүүхэд” шиг амьтад улсын мөнгө гарздаж баахан тэнэж ирэх жишээтэй. Энэтхэгийн ЕС-ын айлчлалд зориулан УИХ хүндэтгэлийн хуралдаан зарласан. Эрхэм зочин чуулганы танхимд орж ирээд МАН-ын дарга, бүлгийн дарга нартай гэхчилэн Ардын намынхантай эхэлж гар барьсаныг бөөн юм болгож байна. Цахим ертөнцийн хөлсний бичээч нар нь “жинэхэнэ Бурхан шавь нар манай намд байдаг тул Бурханы орноос ирсэн ЕС эхэлж гар барилаа” гэхчилэн бурж гарчээ. МАН-аас бурханы “ариун шавийг” гэрэлт өдөр дэнлүү бариад хайсан ч олж харахгүй. Харин тэргүүн зэргийн авилгачин, мафийн хэмжээнд хүрсэн улстөр-бизнесийн улайрсан бүлэглэл, намын дарга нарт нь наалдсан газрын наймаа, өмч хувьчлал, улсын хөрөнгө идсэн уусан, УИХ дахь гишүүдээс нь салдаггүй хээл хахуулийн хэрэг, залуусд нь цавуудчихсан хутга шөвөг, зодоон цохион гэвэл дараад байсан ч дороосоо ундраад байна.
NUUTS.mn
