Нөхөр тань дуугаа хураагаад эхэлбэл…
.jpg)
Эр хүн байгалийн бодгалийн хувьд дотогшоо хандсан, дуу цөөнтэй “амьтан” гэнэ. Үүнийг нь эмэгтэйчүүд хүлээн зөвшөөрдөг агаад чалчаа эрд цаагуураа дургүй байдаг аж. Дуу цөөнтэй эрчүүдээс “чи надад хайртай юу “ гэж мянга асуугад нэмэргүй, тэрний оронд угаалтуураа янзалсан уу гэвэл нэг юм дуугарч магад. Эр хүн байгалиасаа өөрийн бодол санаа, мэдрэмж сэтгэл хөдлөлөө ярих дэлгэх хуваалцах талдаа “тааруу “ байхаар зохиогдсон. Тэд хөвгүүн байхаас нь эхлээд үүнд сурч байдаг. Жинхэнэ эр хүн уйлдаггүй, зовлон бэрхшээлийн өмнө нялцагнах ёсгүй, бас олон юм ярьж гомдоллодоггүй зэргийг тархинд суулгасан байдаг. Энэ байдал нь бэлгийн амьдралд нь томоохон тээр болж эмэгтэйчүүдийн тэвчээрийг барах нь бий. Дээр нь дуу цөөнтэй бол бүр ч хэцүү. Монгол ёс заншлын үүднээс бол эр хүн үүлэн борооны нарийн шириинийг яриад явах нь зохимжтой бус биз. Тэгээд ч уураг тархи нь хоёр зүйлийг нэгэн зэрэг хийхдээ муу байдаг тул эхлээд бодоод дараа нь ярьдаг. Харин эмэгтэчүүд ярьж байхдаа бодож эргэцүүлэх нь бий. Үүнээс гадна эрчүүдийн өдрийн ярианы “лимит” эмэгтэйчүүдийнхээс хоёр дахин бага байдгийг судлаачид тогтоожээ. Хэрвээ орой нөхөр тань дугаа хураагаад байвал энэ нь хайргүй, халамжгүй бас хайхрамжгүй болсны шинж биш ердөө лимитээ дуусгачихсан гэсэн үг гэнэ. Харин ч гэр орон, эхнэр хүүхэддээ сэтгэл хангалуун байгаа тул өөр олон юм яриад байх хэрэггүй болж гэр бүлийнхээ тайван амгаланд автаж сэтгэл санаа нь амарч байгаа нь тэр гэнэ.
NUUTS.mn
