Зайсангийн хорихын газрыг хэн авах бол…
Нийтэлсэн: 2015-05-11 02:49:02
Улаанбаатарын Зайсан Монголын баячуудын хороолол болох зам руугаа орлоо. Аль орчны нийслэлд байдаг зөвхөн баячууд л үнийг нь дийлэх өндөр өртөгтэй хороолол энд сүндэрлэх нь. Зайсанд баячуудын хороолол баригдахад ганцхан зүйл дутаад байгаа нь газар юм. Газрын давшилт явсаар Богд уулын бэлд тулсан тул үүнээс цаашаа газар байхгүй болсон. Харин эрх баригчид бизнесийнхэн өөр шийдэл олсон нь Зайсанд байгаа элдэв “хэрэггүй” байгууллагуудыг нүүлгэж газрыг нь чөлөөлөх явдал юм. Монгол Улсын Засгийн газрын 2014 оны 188 дугаар тогтоол, ТӨХ-ны 2015 оны 2-р сарын 13-ны өдрийн 108 дугаар тогтоолоор Шүүхийн шийдвэр гүйцэтгэх ерөнхий газрын үндсэн хөрөнгөд бүртгэлтэй Хорих 401, 411 дүгээр ангийн үл хөдлөх хөрөнгийг дуудлага худалдаанд оруулж худалдах шийдвэр гарчээ. Энэ дуудлага худалдаагаар олсон мөнгийг Төвлөрсөн хорих ангийг барих ажилд зарцуулна гэж эрхб аригчид мэдэгдсэн. Зарагдах гэж байгаа ШШГЕГ-ын харьяа хорих 401, 411 дүгээр анги нь Хан-Уул дүүргийн 11-р хороонд байрлалтай бөгөөд нийт 5.3 га газарт байрлах 29 нэр төрлийн үл хөдлөх хөрөнгөөс бүрддэг аж. Тус хорих ангиудын байгууламж цэвэр усны шугамд холбогдоогүй, бохир усны шугамд холбогдсон бөгөөд өөрсдийн гүний худгаас цэвэр усны хэрэгцээгээ хангадаг, дулааны дотоод эх үүсвэртэй агаад 1958 онд ашиглалтад орсон юм. Дуудлага худалдааны үнийн доод үнэ 9.7 тэрбумээс эхлэнэ гэдгийг албан ёсоор зарласан. Гэхдээ үнэ хаялцах шалтгаан нь хорихын байшин барилгадаа бус харин газартаа байгаа нь нэгэнт тодорхой болсон.
NUUTS.mn
