Нууц мэдээллийн уурхай

24 настай, Улаанбаатар хотын харьяат Ж.Б гэдэг залуу насанд хүрээгүй хүнийг бие үнэлэхэд татан оролцуулсан, сэтгэцэд нөлөөт бодисын тухай конвенцийн жагсаалтанд багтсан тетрагидроканнабинолын агууламж бүхий олсны ургамал буюу “каннабис” нэртэй мансууруулах сэтгэцэд нөлөөлөх бодис борлуулах зорилгогүйгээр хууль бусаар бэлтгэсэн, олж авсан, хадгалсан гэмт хэрэгтээ 1.6 жилийн хорих ял авчээ. Тэрээр 16 нас 5 сартай, насанд хүрээгүй хохирогч Ү.С-г  биеэ үнэлэхэд татан оролцуулж, интернетээр дамжуулан зуучилж байжээ. Энэ тухайгаа тэрээр мөрдөн байцаалтанд “2013 оны 10-р сарын сүүлээр “РС” тоглоомын газар ажиллуулж эхэлсэн бөгөөд надад толгой компьютер хариуцан, орлого авах хүн хэрэгтэй болсон. Тэгээд би С-ийг интернетээс олж аван ажиллуулж эхэлсэн. Тодорхой хугацааны дараа түүнийг чатаар биеэ үнэлдэгийг нь мэдсэн. Би зохих хэмжээний санал тавиад хүнтэй уулзаад орлогоноос нь хэдэн хувийг нь авдаг байсан. Мансууруулах бодисын хувьд 2012 онд анх “Ривер бийч” задгай шоунд таньдаг залуугаас энэ бодисыг мэдэж байсан. Дараа нь Эрдэнэтэд ажлаар явж байгаад олсорхог ургамал их хэмжээгээр ургадаг гэдгийг мэдсэн. Сүүлд өөрөө очиж түүж авсан. Үүнийг хар тамхины хэрэг гэдгийг мэдэж байсан тул бусдад мэдэгдэхийг хүсээгүй. Зөвхөн өөрөө л хэрэглэдэг байсан. Хохирогчид хохирол төлбөрт тооцож 1.5 сая төгрөгийг нөхөн төлсөн” гэжээ. Харин хохирогч хэмээх насанд хүрээгүй Ү.С нь “...2013 оны 10-р сарын сүүлээр интернетийн чат-аар Б-тай  танилцсан. Би зүгээр уйдаагаа гаргах гэж тэр чатад орсон ба тэгэхэд мөнгө хэрэгтэй юу ? гэж асуусан. Тэгэхэд тухайн үед иг!ее гэдэг нэртэй хаягаар над руу хандаж байсан юм. Тэгээд мөнгө хэрэгтэй юу? гэхэд хэрэгтэй гэсэн, тэгээд уулзаж эхэлсэн. Намайг эхэндээ РС тоглоомын газар толгой компьютер дээр суулган ажиллуулж байсан бөгөөд өдрийн 20-30 мянган төгрөгийн цалин өгдөг байсан. Тэгэхэд Ж.Б нь 3, 4-р хороололд РС тоглоомын газар түрээслэн ажиллуулдаг байсан. Тэгээд 2-3 хоног ажилласны дараагаар чи надтай унтах ёстой, чи энэ хүмүүстэй заавал унтах ёстой тэгэхгүй бол би чамайг ална гэж дарамталдаг болсон ба би тэгээд үгүй чадахгүй гэдгээ хэлсэн Тэгэхэд мөн манай гэрийнхэн намайг ажил хийдэг гэдгийг мэддэггүй байсан учир гэрийнхэнд чинь хэлнэ шүү гэж дарамталдаг байсан юм. 2-3 өдөр ажиллахдаа өдрөөр ажилласан ба хичээлийн бус цагаар ажилладаг байсан. Тэгж надад зандрангүй харьцаж байгаад хамгийн эхэнд найз Н.Б, Б.Б бас өөрөө надтай бэлгийн харьцаанд орсон. Тэр цагаас хойш Ж.Б-гийн найз Е, С нартай бэлгийн харьцаанд орсон. Е-ийн төрсөн өдөр нь болсон, тэгэхэд Ж.Б намайг 2-3 танихгүй хүнтэй мөнгөөр бэлгийн харьцаанд оруулсан, тэр хүмүүсийг чат-аас олсон ба би тэр хүмүүсийн нэр утасны дугаар зэргийг бол санахгүй байна. 1 хүнтэй цаг бэлгийн харьцаанд ороход 80- 100 мянга, хоногоор бол 300-350 мянга, нэг удаа бол 50 төгрөг авдаг, Үүнээсээ 20-25 мянгыг л надад өгдөг байсан. Тэгээд энэ явдал эхэлсэнээс хойш шөнө хүртэл гэрээс маань ирж авдаг болсон бөгөөд сүүлдээ гэр рүү явуулахаа байж РС тоглоомын газарт байрлуулдаг байсан. Надад гэртээ байх сонирхол байдаггүй. … Сүхбаатар дүүргийн 6-р хорооны нутаг дэвсгэрт байдаг ТЭМ АРЕНА" РС тоглоомын газар ажилладаг болсон. Ж.Б  надаас огт холдоогүй, би сүүлдээ болъё гэхэд болиулаагүй харин улам уурлах болсон юм,,,над руу утсаар яриад ирэхгүй бол манай найз бандийг чинь ална хядна гэсэн … намайг яг хичнээн хүнтэй бэлгийн харьцаанд оруулсаныг мэдэхгүй байна. Бэлгийн харьцаанд орсон хүмүүсээс нэгийг нь ч танихгүй. Утасны дугаарыг нь мэдэхгүй. …өдөр. шөнө янз бүрийн цагаар намайг ирээд таксигаар болон өөрсдийнхөө унаагаар авч явдаг… ер нь бол 20-60 настай хүмүүстэй л намайг уулзуулж байсан бөгөөд намайг 60 орчим настай хүнтэй яв гэхэд нь яваагүй… би тасартлаа ууж байгаагүй харин тааруулж архи ууж байсан. ..би очих газаргүй болоод РС тоглоомын газар хонож өнжин байдаг байсан” гэжээ.

 

NUUTS.mn