Р.Бурмаа аймаг сумаа ялгадаггүй гэнэ
ХХАА-н сайд Р.Бурмаа ой, хээрийн тvймэртэй байгаа Дорнод аймгийн хэд хэдэн сумаар ажиллаад иржээ. Бүр хаваржих шахан “сэтгэл гарган” ажилласан. Энэ нь ч цаанаа учиртай. Ирэх сонгуульд Дорнод аймагт нэр дэвших тэрээр ийнхүү зүтгэл гарган “эх малын хөх дэлэн түлэгдсэн” хүнд цагт ирээдүйн сонгогч нартайгаа хамт байжээ. Уул нь хаврын тариалалт эхлээд тариан талбайд байх учиртай сайд маань нэгхэн сумын тусламжийн барааг хувиарлан хүргэж орон нутгийн хэдэн дарга нарыг нь ажилгүй болгох шахаж. Хамгийн олон хүнтэй Баян-Уул суманд хаваржих шахсан тул нэр нь чихэнд нь бүр хоногшиж. Тэрээр мэдээлэл хийхдээ “Манай яамнаас санаачлан салбарынхаа нийт ажилчин албан хаагчид, аж ахуйн нэгжvvдээс хандив цуглуулж, ой, хээрийн тvймэрт өртсөн орон нутгуудад тусламж хvргэж өглөө. Баян-Уул аймагт нөхцөл байдал vнэхээр хvнд байна” хэмээн олонтаа давтаж хэлдэг юм байна. Уг нь хvнс, хөдөө аж ахуйн сайд хvн хэдэн аймаг сумаа ялгадаг л баймаар юм. Дорнод аймгийн Баян-Уул сумыг санаатай, санамсаргvй нь мэдэгдэхгvй ийнхvv олон удаа аймаг гэж андууран дуудсан сайдынхаа хажууд суусан Төрийн нэрийн бичгийн дарга Н.Ариунболд, мэргэжилтнvvд нь “Баян-Уул сум шvv сайд аа” хэмээн шивнэсээр байсан ч дахин дахин хэлээд байсан нь хачирхалтай. Хэдэн албат нь сайдынхаа өмнөөс ичээд түнтийтлээ улайсан гэнэ. Тариаланчидтайгаа тангараг тасарсан сайд хатагтайд нэр дэвших аймгийнх нь мал аж ахуй л үлдэж дээ. Аймаг сумаа ялгадаггүй хүн ботго торомыг бүр ялгахгүй биз дээ…
NUUTS.mn
