Хэвлэлийн эрх чөлөө манай сайтын жишээ нь дээр…
Нийтэлсэн: 2015-05-03 01:44:28
Өнөөдөр дэлхийн хэвлэлийн эрх чөлөөний өдөр тохиож байна. Манай улс энэ үзүүлэлтээрээ дэлхий орнуудаас 50-60-д жагсдаг ч бодит амьдралын жишээгээр тооцвол нэлээд хойхно нь бичигдэх учиртай. Монголд ноёрхсон дүр эсгэсэн ардчилал нь дүр эсгэсэн хэвлэлийн эрх чөлөөг тунхагласан гэхэд болно. Манай сайт гэхэд л он гарсаар цагдаад гурав, шүүхэд нэг удаа дуудагдсан. Албан тушаалтнууд хуулийн байгууллагуудад нөлөөтэй болсон нь нийслэлийн нэгэн өндөр албан тушаалтан манай сайтыг Чингэлтэй дүүргийн цагдаад өгөөд эрүүгийн хэрэг үүсгэхээс татгалзангуут үргэлжлүүлээд Баянзүрхийн цагдаагаар шалгуулсанаас харагддаг. Прокурор гүтгэсэн нь нотлогдсонгүй хэмээн эрүүгийн хэрэг үүсгэхээс татгалзангуут эргүүлээд 50 сая төгрөг нэхэн иргэний журмаар шүүхэд өргөдөл гаргадаг. Төрийн өндөр албан тушаалтан, том бизнесмэний төлөөлөл нь утсаар ярьж нэр бүхий материалаа сайтаасаа авахыг шаардан хуулийн байгууллагад хандана гэж сануулсаны ердөө маргааш өглөө нь зарлан дуудах ирдэг зэрэг нь хэвлэлийн эрх чөлөө хоосон тунхаглал гэдгийг харуулж байна.
NUUTS.mn
