Истанбул хотын худалдааны танхим, Үйлдвэрчдийн танхимын төлөөлөгчид Монголд айлчилна
Нийтэлсэн: 2015-04-29 03:08:13
Монгол Улсаас БНТУ-ын Истанбул хотод суугаа Ерөнхий консул Э.Мөнх-Очир Истанбул хотын дарга Кадир Топбашийн урилгаар 2015 оны 4-р сарын 27-ны Даваа гарагт өглөөний цай хамт уулаа. Энэхүү өглөөний цайнд Истанбул хотод суугаа нийт Дипломат төлөөлөгчийн газрын тэргүүнүүд уригдсан бөгөөд өглөөний цайны дараагаар Ерөнхий консул Э.Мөнх-Очир Истанбул хотын дарга Кадир Топбаштай ганцаарчилсан уулзалт хийж 2 улсын хамтын ажиллагаа, Улаанбаатар хот болон Истанбул хотын хамтын ажиллагааны талаар санал солилцлоо. 15 сая иргэнтэй Истанбул хот аялал жуулчлал, үйлдвэрлэлийн хувьд өндөр хөгжсөн бөгөөд Ерөнхий консул Э.Мөнх-Очирын тавьсан хамтын ажиллагааны саналд бүх салбарт хамтран ажиллахад нээлттэй байгаагаа уулзалтын үеэр Кадир Топбаш мэдэгдлээ. Түүнчлэн, Ерөнхий консул Э.Мөнх-Очир эрхэм Кадир Топбашийг өвөг дээдсийнхээ өлгий нутагт хүссэн үедээ айлчлахыг урихад эдийн засгийн хамтын ажиллагаа дутмаг байгаа энэ үед Монгол Улс руу чиглэсэн хөрөнгө оруулалтыг нэмэгдүүлэх зорилготойгоор Истанбул хотын худалдааны танхим, Үйлдвэрчдийн танхим болон жижиг дунд үйлдвэр эрхлэгчдийн холбоо зэрэг байгууллагадуудаас төлөөлөл бүхий бүрэлдэхүүнтэйгээр Монгол Улсад айлчлахаар боллоо.
NUUTS.mn
