ШУТИС-ийн ректор Б.Очирбат аттестатчилалын шалгалтыг ажлаас халах шалтаг болгожээ
Нийтэлсэн: 2015-04-28 02:45:37
Багш нарыг аттестатчлах шалгалт бүх сургуулиудад явагддаг. Гэхдээ цөөнгүй сургуулийн удирдлага энэхүү шалгалтыг багш нарыг ажлаас нь халах арга хэрэгсэл болгон ашигласаар байгаа гэнэ. Үүний нэг жишээ болохоор явдал ШУТИС-д гарчээ. Тус сургуулийн Шинжпэх Ухаан Технологийн ахлах сургуулийн багш нарын хийж гүйцэтгэсэн ажпыг гурван шалгуур үзүүлэлтээр нийт 100 хүртэлх оноогоор дүгнэх аттестатчилалын шалгалт явагджээ. К.Д гэдэг багшийг амралттай байх үед нь дуудан шалгалтанд оруулж. ШУТИС-ийн ахлах сургуулийн багш нарыг аттестатчилсан комиссын шийдвэрээр багш тус багшийг нийлбэр дүнгээр 66.00 оноо авч, мэргэжил ур чадварын хувьд ажил, албан тушаалдаа тэнцээгүй нь тогтоогдсон гэсэн дүгнэлт гаргасныг ректор Б.Очирбат шүүрэн авч ажил албан тушаалдаа тэнцэхгүй болсон үндэслэлээр хөдөлмөрийн гэрээ цуцлах шийдвэр гарган ажлаас халжээ. Тодруулбал тухайн багшийг эцэг, эх, сурагчдаас өгсөн үнэлгээгээр 19.50, мэргэжлийн шалгалтын оноо 14.70, тайлан хамгаалалтаар 31.80, нийт аттестатчиллын нэгдсэн дүн 66.00 оноо авсан ч дараа нь ахин шалгаад 6 оноо нэмж олгон нийлбэр оноог нь 72 оноо болгожээ. Гэсэн ч босго оноонд хүрээгүй гэсэн шалтаг олж хөдөлмөрийн гэрээг нь шууд цуцалжээ. ШУТИС-ын удирдлага одоо болтол аттестатчиллын шалгалтыг захиргааны явцуу эрх ашигт буюу ажлаас халах ажиллагаандаа хэрэглэсээр байна. Хэдийгээр шалгалт явагдсан ч сурагчдын сэтгэл ханамжийн үнэлгээ, нэгдсэн дүнг өнөөдрийг хүртэл танилцуулаагүй байгаа гэнэ. Хамгийн гол нь журмандаа аттестатчиллын дүн хөдөлмөрийн гэрээг цуцлах үндэслэл биш харин улирлын мөнгөн урамшуулал авах, хасах үндэслэл болно гэж заасан атал үл хайхран тухайн багшийг шууд халсан гэнэ. Хэрэв энэхүү шалгалт нь захиргааныханд ажлаас халахад л хэрэгтэй байдаг юм бол гол зорилго болох багшийн мэдлэг чадварыг үнэн бодитоор дүгнэх явдал нь бүрэн алдагджээ хэмээн ШУТИС-ийн багш нар ярьцгааж байна.
NUUTS.mn
