Нууц мэдээллийн уурхай

Нэгэн үе олны анхаарлын төвд байсан “Зөн билгийн академи” бужигнаад эхэлжээ. Саяхан цагтаа 3-р байранд шалгарч байсан зөнбилэгтэнээ хөөсөн бол өдгөө тэргүүн Л.Өнөрбаяр нь М.Мягмаржав ламаас 17.5 сая төгрөг нэхэн тангараг тасрахдаа тулж. Ламтан нь 2009 оны “Зөн билгийн тулаан-2”-ын шилдэг дөрөвд шалгарч байсан гэдгээр нь уншигчид мэдэх байх. Л.Өнөрбаяр нь  2008 оноос “Зөн билгийн академи”-ийг байгуулж  “Зөн билгийн тулаан” телевизийн цуврал нэвтрүүлгийг зохион байгуулж ирсэн Энэхүү нэвтрүүлэг нь жинхэнэ болон хуурамч бөө, үзмэрчдийг шүүн харуулж, чадвартайг нь ялгах зорилготой гэнэ. Академи нь эхний 3 байранд шалгарсэн үзмэрчид цом, батламж өгч гишүүнээ болгон гэрээ байгуулдаг. Гишүүн болсоноороо өөрсдөө хүсвэл академийн байранд байрлаж үзлэг засал хийх эрх эрх эдэлдэг аж. Мөн академийн шугмаар  гадаад улсын зөн билгийн тулаан нэвтрүүлэгт оролцох эрхийг авдаг. Ингэхдээ академи нь гишүүдээ шалгаруулалтад оруулж мөн тодорхой төлбөрийг авдаг гэнэ. Тэргүүн, ламтан хоёрын хагарал 2013 оны 6-р сард Украйны “Зөн билгийн тулаан” нэвтрүүлгээс эхэлжээ. Тус улсаас Монголын шилдэг зөн билэгчдийг урьсанд 3 хүнийг тус бүр 10 сая төгрөг төлсөн нөхцөлд явуулахаар болжээ. Төлбөрийн мөнгөөр нь зөн билэгчдийг даган Украйн улсад нэвтрүүлэг бэлдэх нэг зураглаач, продюсер, менежер зэрэг 3 хүний зардал зэрэгт зарцуулагдах байж. Шалгарсан  гурван зөн билэгтний нэг болох лам Мягмаржав нь  хоёр саяыг төлсөн агаад үлдэгдлээ  Украйнд нэвтрүүлэгт оролцож байх хугацаандаа болон ирээд академийн байранд үзлэг заслыг хийж барагдуулна гэсэн гэрээг Л.Өнөрбаяртай хийжээ. Монголд  буцаж ирсэнийхээ дараа нэмж 1.5 саяыг төлөөд л академиас үлдэгдлээ нэхэхэд нь өвчтэй байна, эмнэлэгт байна гэж аргацаасаар байж. Гэтэл үнэхээр өвчтэй байгаагүй хэмээн тэргүүн баталжээ. Академид ирсэн иргэдийн мэдээллээр ламтан 2013 оны 12-р сарын 27-29-ний өдрүүдэд Дорнод аймагт очин үзлэг засал хийсэн нь батлагдсан гэнэ. Энэ тухайд Дорнод аймгийн “Мижи” телевизийн ажилтан Соёлоо, менежер Уянгаа батлан хэлснийг тэргүүн гар утсандаа хүртэл бичиж авчээ. Мөн ярилцлагад орсон нэвтрүүлгийх нь хуулбарыг ч олоод авч.  Түүүнээс гадна Л.Өнөрбаяр нь ламтан Дорнод явахаасаа өмнө ХХБ-д  данс нээж хүмүүсээс төлбөр авч манай академийн үйл ажиллагааг хуулбарлан явуулж эхэлсэн хэмээн гомдол мэдүүлж. Гэтэл ламтаны академитэй байгуулсан гэрээнд “Академийн гишүүн….академийн зөвшөөрөлгүйгээр ямар нэгэн мэдээллийн хэрэгсэлд ярилцлага өгч суртчилгаа дур мэдэн явуулахгүй мөн академид мэдэгдэлгүй үзлэг, засал эрхгүй” байдаг гэнэ. Иймд ламтан манай байгууллагын нэр болон нэвтрүүлгийн нэрийг  ашиглан ашиг олж байгаа тул хохирлоо л нэхсэн гэнэ. Харин М.Мягмаржав академи өөрөө гэрээгээ зөрчдөг гэжээ. Бүх шатанд шилдэгээр үлдсэн зөн билэгтэнг Америкийн зөн билгийн тулаанд оролцуулна гэсэн боловч биелүүлээгүй гэнэ. Л.Өнөрбаяр нь 2013 оны 6-р сарын 25-ны үед надаас “Украйнд болох Олон улсын зөн билгийн тулаанд оролцох урилга ирсэн, явж чадах уу” гэж асуусан хэмээн лам мэдүүлж. Олон улсын тэмцээнд орох хүсэлтэй явдаг тул зөвшөөрч . Л.Өнөрбаяр 10 сая төгрөг шаардахад нь хөөцөлдсөн боловч бүтээгүй гэнэ. Энэ үед академийн тэргүүн намайг “хугацаа алдаад байна, чи хүмүүсийг үзэж хараад түүгээрээ онгоцныхоо зардлыг ол”  гээд академийн байранд суулгаж үзлэг хийлгүүлж хоёр сая төгрөг авсан гэнэ. Мөн Украйн явахын тулд хамтран ажиллах гэрээ байгуул, эс тэгвэл явах боломжгүй гэхээр нь 2013 оны 7-р сарын 6-нд гэрээ хийж  Ингээд үзмэрч Д.Долгорсүрэн, М.Төмөрчөдөр нарын хамт Украйн нисжээ. Харин тэднийг тосож авсан “СТБ” телевизийнхэн “та бүхнээс ямар ч зардал авахгүй, бүх зардлыг бид хариуцаж байгаа” хэмээн мэдэгдсэн гэнэ. Ламтан тэр даруйд нь тэргүүн Л.Өнөрбаяртай утсаар холбогдож “Бүх зардлыг украйнчууд өөрсдөө гаргаж байгаа гэж байна, бид гурваас худлаа ярьж мөнгө авсан байна” гэжээ./үргэлжлэл бий/



NUUTS.mn