Нууц мэдээллийн уурхай

Саяхан Хэнтий аймгийн Засаг дарга Ж.Оюунбаатар ИТХ-ын төлөлөгч нарын хамт Турк яваад иржээ. Засгийн газрын хэмнэлтийн бодлогийн хүрээнд гадаад томилолт айлчлалын зардлаа багсагахыг шаардаж байгаа. Орон нутгийн Засаг ноёд туршлага судлах нэрээр бараа бологчдын хамт гадаадад аялах зугаалах нь хэрээс хэтэрсэн. Явсан үр дүн нь ч чамлалттай байдаг. Өнгөрсөн онд Дарханы НИТХ-ын долоон төлөөлөгч Дубайд аялсан шуугиан дэгдэж байсан. УИХ-ын дарга хүртэл оролцон зардлыг нь өөрсдөөр нь төлүүлэхээр боллоо гэсэн ч хоосон яриа болсон. НИТХ нь төлөөлөгч нараа өмөөрөн шүүхээр заргалдсаар аудитын актыг нь хүчингүй болгуулчихаад байна.  Дубайн долоо “туршлага судлаад дээр нь тухайн газрын нутгийн өөрөө удирдах ёсны байгууллагатай”-тай холбоо тогтоосон тухайгаа тайлан гаргаж өгсөн нь муухан хошин өгүүллэгээс дутахгүй эд байсан сурагтай. Харин Ж.Оюунбаатар төлөөлөгч нарын хамт ямар ажлаар ямар үр дүнтэй гадаадад аялаад ирсэнээ хэнтийчүүдэд дэлгэрэнгүй тайлан тавиагүй л байгаа гэнэ.
 

NUUTS.mn