Зам ашигласны төлбөр авах НИТХ-ын журмыг шүүх хүчингүй болгожээ
Нийтэлсэн: 2015-04-15 03:14:12
Улаанбаатар НИТХ-ын 2013 оны 11-р сарын 26-ны өдрийн 13/47 тоот тогтоолоор “Зам ашигласны төлбөр авах тухай” журмыг баталсан. Уг журмаар нийслэл хотод бүртгэлтэй хөдөлгөөнд оролцдог бүх тээврийн хэрэгслээс ангилалын дагуу төлбөр авч хотын замын санд оруулдаг. Уг сангийн хөрөнгөөр нийслэлд шинээр зам тавих болон зам арчлалтын ажлыг санхүүжүүлдэг журамтай. Гэсэн ч өнгөрсөн оны намар зарим иргэд замын төлбөр төлөхөөс татгалзаж уг журмыг хүчингүй болгуулахаар шүүхэд ханджээ. Шүүх иргэний гомдлыг хэлэлцээд НИТХ-ын зам ашигласны төлбөр авах журмыг хүчингүй болгох шийдвэр гаргажээ. Хотын удирдлагын гаргасан олон шийдвэр хууль зүйн үндэслэлгүй байсан нь тогтоогдож эхэлсэн. Тээврийн хэрэгслийн дугаарын хязгаарлалтын журам гэхэд л зарим хуультай зөрчилдсөн гэдэг шалтгаанаар одоо болтол ХЗЯ бүртгээгүй байна.
NUUTS.mn
