Нууц мэдээллийн уурхай

Цагдаагийн байгууллагад нэвтрэн өөрийн хавтаст хэргийг хулгайлан шатаасан П.Батсүхын хэрэг олныг гайхуулсан.   Түүнийг өс хонзонгийн сэдэлтээр мөрдөн байцаах ажиллагаанд саад учруулах болон  холбогдсон хэргээ хууль бусаар, өөрийн санаанд нийцсэн, ашигтай шийдэл гаргуулахаар хэрэгт бүртгэлт, мөрдөн байцаалт, шүүн таслах ажиллагаанд санаатайгаар саад учруулах зорилгоор 2015 оны 1-р сарын 3-наас 4-нд шилжих шөнө Чингэлтэй дүүргийн 2 дугаар хорооны нутаг дэвсгэрт байрлах Мөрдөн шалгах ажиллагаанд Дэмжлэг үзүүлэх мэргэжлийн газрын 108 тоот өрөөний цонхоор нэвтэрч, өөрт холбогдох …………..дугаартай, 22 хавтас хэргийг хулгайлж улмаар шатаан устгасан гэж буруутгасан. Дорноговь аймагт төрсөн П.Батсүх нь Улаанбаатар хотод тодорхой оршин суух хаяггүй байж. Өмнө нь Баянзүрх дүүргийн шүүхээс Эрүүгийн хуулийн тусгай ангийн 145 дугаар зүйлийн 145.3 дахь хэсэгт зааснаар 5 жил 1 сарын хорих, 261 дүгээр зүйлийн 261.1 дэх хэсэгт зааснаар 1 жилийн хорих ялаар тус тус шийтгүүлсэн ч 2006 оны Өршөөл үзүүлэх тухай хуулийн 4 дүгээр зүйлийн 4.4 дэх хэсэгт зааснаар Эрүүгийн хуулийн тусгай ангийн 261 дүгээр зүйлийн 261.1 дэх хэсэгт зааснаар оногдуулсан 1 жилийн хорих ялыг өршөөн хэлтрүүлжээ. Мөн хуулийн 145 дугаар зүйлийн 145.3 дахь хэсэгт зааснаар оногдуулсан 5 жил 1 сарын хорих ялын 3 жилийн хорих ялыг хасч, бүгд 2 жил 1 сарын хорих ялаар тогтоож  Хэнтий аймаг дахь Сум дундын 1 дүгээр шүүхийн захирамжаар эдлээгүй үлдсэн 5 сар 16 хоногийн хорих ялаас хугацааны өмнө тэнсэн суллагдсан гэнэ. П.Батсүх нь давж заалдах гомдолдоо: “...2012 онд анх баригдсан нэг үйлдэл дээр өөрөө сайн дураараа 24 үйлдлийг нэмж, гэм буруугаа хүлээж байхад байцаагч нар эзэнгүй хэргүүдийг хууль бусаар тулган дарамталж, хоёр жилийн дотор 45 үйлдэл болгосон ба өлсгөлөн зарласан боловч буцааж чадаагүй тул хэргээ хулгайлахад хүрсэн” гэж хавтаст хэрэг хулгайлсан шалтгаанаа мэдүүлжээ. Мөн миний хэргийг нэг талыг барьсан гэжээ. Түүний хэргийн хохирогчоор  Ж гэдэг хүн тогтоогдоод байхад өөр хүн орж эсрэг мэдүүлэг өгчээ. П.Батсүхын олон үйлдэлтэй хэрэг шалгаж байсан ……дүүргийн Цагдаагийн хэлтэст том асуудал үүсгэж. Түүний хэргээс болж есөн ажилтан халагдсан, арга хэмжээ авахуулсан гэнэ.  Түүнийг мэдүүлгээсээ буцдаг, байцаагч нараа хэл амаар доромжилсон бүр ус буцалгагч авч шидсэн гэж бичиж хэрэгт хавсаргасан бүгд худал гэж мэлзжээ. Харин ч хэргээ сайн дураар хүлээсээр байхад эрүүгийн төлөөлөгч нараар зодуулсан гээд хорих ялын дэглэмийг чангаруулсныг дахин хянаж өгөхийг хүсжээ. Давж заалдах шатны шүүх анхан шатнаас оноосон 2.9 жилийн чанга дэглэмтэй хорих ялын дэглэмийг бууруулсан байна.
 

NUUTS.mn