Нууц мэдээллийн уурхай

…Энэ мэтээр катерингийн үйлчилгээг “Нүхт  тур”-аас авах гэж тал талаас нь дарамталж шахсан гэнэ. Өдгөө МИАТ-тай байгуулсан гэрээ нь өнгөрсөн оны 12-р сарын 31-нээр дуусгавар болсон агаад тендер урилга тараасан шийдвэр хүчин төгөлдөр гэж тооцогдож байгаа аж. МИАТ-нхан ч олон жил нэг компаниар катерингийн үйлчилгээ аваад “уйдсан” гэнэ. “Нүхт тур” ч дангаараа хариуцдаг гээд зарим үед дэндүү “даварч” байжээ. 2012 оныоос хойш явцын тайлан гаргаж өгөөгүй, 2012 онд даатгуулаагүй байхад нь МИАТ өмнөөс 34 сая төгрөг төлж байж даатгылг нь хийлгэсэн гэнэ. Өөр нэг ноцтой зүйл байдаг нь катерингийн гэрээний дагуу дундын дансанд байршуулсан барьцааны 250 мянган долларыг  болон 250 мянган ам долларын үл хөдлөх хөрөнгийг өмнөх захирлын үед барьцаанаас нь чөлөөлүүлээд буцаагаад авчихсан гэнэ. Барьцааны мөнгө хөрөнгөө ахин байршуулахыг удаа дараа мэдэгдсэн ч “Нүхт тур” биелүүлсэнгүй. Гэрээний хугацаанд агаарын хөлгөөр зорчигчдод хоол нийлүүлэх үйлчилгээ доголдож байсан тохиолдол гараагүй ч хоол муу байна гэх хэрэглэгчийн гомдол гардаг байсан гэнэ.  Катерингийн үйлчилгээг дангаараа авсан энэ олон он жилүүдэд менежментийг сайжруулж  хөрөнгө оруулалт хийгээгүй хэмээн МИАТ дүгнэж  байгаа аж. Тэгээд ч шинэ тендерт оролцох . эрхийг нь хааж хасаагүй гэжээ. Харин “Нүхт тур” өөрсдийгөө мундаг ажилласан гэж үздэг гэнэ. Ялангуяа хүнсний үйлдвэрлэлийн чиглэлээр олон улсын байгууллагад үнэлэгдэж  олон улсын  "SКҮ ТRАХ" байгууллагаас тус компанийн хийсэн хоолны “Бизнес” зэрэглэлд 3 од, “Энгийн” зэрэглэлд 4 одны үнэлгээ өгчээ. Гэтэл өмнө нь тус бүр 2 одтой байсан гэнэ.  2009 оноос хойш таван жил тогтвор сууршилтай үйл ажиллагаа явуулж байгаа ба хөрөнгө оруулалт хийж энэ чиглэлээр дадлага, туршлагатай боловсон хүчнийг сургаж, бэлтгэж нийт 97 ажилтан ажиллагсадтай ба тэдгээрийн цалин хөлс, нийгмийн асуудлыг баталгаатай шийдвэрлэж ирсэн бөгөөд шинэ техник, технологийг үйл ажиллагаандаа нэвтрүүлж, олон улсын стандартуудыг батлуулан мөрдөж, чанар стандарт хэмжил зүйн төвөөр баталгаажсан хүнсний лаборатортой болсон гээд катерингийн салбарт тэдний өмнө гишгэх компани бараг байхгүй бололтой. Ийнхүү МИАТ компаний ихэхэн унацтай гэгддэг катерингийн үйлчилгээг авах гэж төр-бизнесийн хэд хэдэн бүлэглэл өрсөлдөөд эхэлжээ.
 

NUUTS.mn