О.Магнай СХД-д юу хийж явна…
Эрхэм уншигч та ШӨХТГ-ын “шоу” дарга асан О.Магнайг “Монос” хатагтайн хамт Сонгинохайрхан дүүргийн дүүргийн иргэдтэй уулзалт хийгээд сууж байхыг харж байна. Царай нь тун албархаг агаад уулзалтанд их ач холбогдол өгч байгаа нь илт. Ийнхүү 2016 оны УИХ-ын сонгуульд тус дүүрэгт нэр дэвшихээр О.Магнайн “танилцуулах уулзалт” эхэлж байгаа нь энэ гэнэ. Хоёр мандаттай энэ дүүрэгт “бенц” хатагтайтай хамт ШӨХТГ-ын экс дарга, гудамжны зоригт тэмцэгч О.Магнай нэр дэвших нь тодорхой болжээ. АН-ын генсекын суудалтай зууралдсан Л.Эрхэмбаяр тэртээ тоосонд хаягдаж. О.Магнай муу ч гэсэн олонд танигдсан гэдгийг нь хүлээн зөвшөөрөх хэрэгтэй. Түүнтэй сөргөлдүүлээд Д.Сумьяабазартай хамт гарчих хүн нийслэлийн хамгийн олон хүнтэй гэгдэх энэ дүүргийн МАН-ын хорооноос томруулдаг шил барьж хайгаад ч гарахгүй. Энэ намын хороо хэдхэн хөгшин эр эм бурхинд талхиулсаар байгаад боловсон хүчний хомсдол гэдэгт үнэхээр орчихсон газар. Дүүргийн ИТХ-ын дарга Х.Нямбаатар байж болох ч гараагаа буруу тавьж хэл ам хэрүүл шуугиан дундуур хурлын дарга болсон. Үүний улмаас намын тодорхой хэсгийн дэмжлэгийг алдчихсан байгаа. Даргаар суусан хугацаагаа ч олигтойхон ашиглаад өөрийгөө эерэг талаас нь таниулж чадаагүй л байна.
NUUTS.mn
