Нөхөртэйгөө явалдсан гэх эмэгтэйн зургийг Facebook-т тавих хэрэг хөдөөд ч гардаг болжээ
Нийтэлсэн: 2015-04-08 03:41:45
Монголын эмэгтэйчүүд өшөө хорслоо олон нийтийн цахим сүлжээ ашиглан авдаг болжээ. Саяхан ийм нэгэн хэрэг Сайншандад болж. Г.Н гэдэг эмэгтэй Ш.А-гаас нэр төр гутаалаа хэмээн 3 сая төгрөг нэхсэн бол нөгөө эмэгтэй нь эргүүлээд сэтгэл санааны хохирол гэж 30 сая төгрөг нэхэмжилсэн гэнэ. Г.Н нь “Ш.А намайг олон нийтийн хэрэглэдэг Facebook-д зургийг минь тавин ... гэр бүлтэй хүнтэй 4 жил гаруй явалдаж,хэд хэд баригдаж янз янзын утасны дугаар сольж мессэж бичиж... гэх мэтээр тайлбар бичин нэр төрийг минь гутаан доромжилсон, Ш.А нь өөр хүнээр надруу утсаар яриулж тэр хүн нь намайг маш ихээр гутаан доромжилж эмэгтэй хүний амнаас гарахааргүй үг хэлсэнд би маш ихээр хямарсан, шоконд орж одоо болтол гараагүй байгаа, үүнээс болж хамт ажилдаг хамт олон маань хүртэл намайг маш эвгүй байдалд оруулж байна, би шунахай сэдэлтээр биш нэр төрөө сэргээлгэх гэж л 3 сая төгрөг нэхэж байгаа, манай хүү энэ жил эхнэр авч байгаа бэрийн талынхан намайг маш хүндээр хүлээж авсан” гэж гомдол мэдүүлжээ. Харин “фейсбуукчин” эхнэр Ш.А нь “энэ эмэгтэй манай гэр бүлийн амьдралд маш их ноцтойгоор оролцсон, нөхөртөй минь 4 жил хайр сэтгэлийн холбоотой явсаар ирсэн, би олон удаа хэлсэн боловч ерөөсөө тоогоогүй, зургийг нь facebook-д тавьсан нь үнэн, гэр бүлд нь ч хэлсэн, миний үгийг аваагүй учраас эцсийн арга хэмжээ болгож facebook-д тавьсан юм, манай нөхөр энэ эмэгтэйгээс болоод архи уугаад ажлаасаа халагдсан. архи уух болгонд нь архи авч өгдөг,гэр орондоо аваачиж унтуулж хэвтүүлдэг байсан” гээд өөртөө учирсан сэтгэл санааны хохирлоо 30 сая төгрөгөөр үнэлж заргалдсан гэнэ.
NUUTS.mn
