АН-ын даргын үүрэг гүйцэтгэгч З.Энхболд “судалгаагаа” үзүүлнэ үү…
АН-ын даргын үүрэг гүйцэтгэгч З.Энхболдод нэгэн судалгаа бий гэнэ. Түүнд нэр нь багтсан хүн тэр чигээрээ “тэнгэрийн умдаг” атгалаа гэсэн үг бололтой. Учир нь 2016 оны сонгуульд нэр дэвших эрх нь нээгдэж байгаа аж. Энэ талаар АН-ын 
.jpg)
ҮЗХ-ны гишүүн Д.Мөнх-Эрдэнэ мэдэгдэл хийж намын даргын үүрэг гүйцэтгэгч бялуугаа хуваачихсан гэжээ. Өнгөрсөн 3-р сарын 25-нд Ардчилсан намын ҮЗХ-ны гишүүдэд мессэж ирсэн гэнэ. Мессежинд “2016 оны УИХ-ын сонгуульд нэр дэвших хүсэлтэй ҮЗХ-ны гишүүдтэй намын дарга 3 дугаар сарын 26-аас 27-ны хооронд өглөө 09-өөс 18.00 цагийн хооронд ганцаарчилж уулзана” гэсэн байж. Үүний дагуу АН-ын ҮЗХ-ны гишүүд намын даргынхаа байр суурийг сонирхож орж уулзсан юм билээ. Зарим гишүүдийн тухайд нэр дэвших хүсэлгүй ч намын дарга юу гэхнэв, ямар байр суурь баримталж байгааг нь сонирхож уулзсан байсан. Гишүүдийг уулзахад манай намын дарга “Чиний нэр энэ судалгаан дээр алга. Чи дэвшихгүй. Танай аймгаас УИХ-ын гишүүнд чинь амлачихсан байгаа. Чи бол яваад гарахгүй. Чи бол өмнө нь дэвшээд унаж байсан” гэх зэргээр хэл амаар дайрч давшилсан гэнэ. “Даргаа Та яагаад ингэж байгаа юм бэ, ямар судалгаа вэ” гэх зэргээр тодруулахад нь “Чамтай хууч хөөрөх зав алга. Гар. Дараагийнх нь хурдал” гэх зэргээр айлгах, сүрдүүлэхийн алин болохыг мэдэхгүй, ямар ч байсан иймэрхүү ааш гаргасан гэж ҮЗХ-ны гишүүн Д.Мөнх-Эрдэнэ мэдэгдлээ. Түүнийг ч гэсэн Баянхонгорын хоёр гишүүнд чинь би амлачихсан тул ирэх сонгуульд нэр дэвшүүлэхгүй гээд гар яв гэжээ.
NUUTS.mn
