Ноён долларыг зөвхөн АН-ын генсек байсан хүн л номхруулж чадна
Ногооны галзуурлыг мянган Сайханбилэг, түмэн Золжаргал байгаад ч тогтоож дийлэхээ больжээ. Гэхдээ ноён долларыг номхруулж чадах хүмүүс байгааг мэргэ төлөгчид хэлсээр байгаа. Тэдний баталж байгаагаар зөвхөн АН-ын генсекийн албан тушаалыг хашиж байсан хүмүүсд энэ арван толгойт атгаалжин ногоон мангасыг дарж чадах хүчин чадал заяасан гэнэ. Зөвхөн генсек байсан хүн гэдгийг зориуд онцольё. АН-ын генсек асан Д.Эрдэнэбат “худлаа ярьж байгаа юм биш, доллар 1000 төгрөгөөс доошоо орно” гэсэн сэтгэл сэргэсэн мэдэгдэл хийсэн. Түүний дараа генсек болсон Ц.Оюундарь нь ид шид ч юм уу ямар нэгэн аргаар ноён доллар номхроно хэмээн зарласан. Гэтэл фракцын барьцаанд баригдсан АН тэнгэр бурхнаас заяасан ийм чадвартай хүмүүсээ шал хэрэггүй газар суулгаж байна. Нэгийг нь “живж байгаа хөлөг онгоцны” ахмад болгосон бол нөгөөг нь мөнгөгүй яамны сайд хийлгээд явуулж байх жишээтэй.
NUUTS.mn
