Ш.Раднаасэдэд “зориулсан” сонгон шалгаруултанд Ш.Раднаасэд ялах гэнэ
Хойд хөршид ерөнхийлөгчийн сонгууль явуулах нь утгагүй хэрэг гэж барууныхан үздэг. Учир нь тэртэй тэргүй Путин л ялна гэдэг. Тэрэнтэй төстэй зүйл Монголд болж байна. Саяхан ТӨХ нь МХЕГ-ын албан тушаалд сонгон шалгаруулалт зарласан. Гэтэл энэ сонгон шалгарууулалтын үр дүн тэртэй тэргүй тодорхой гэсэн яриа аль хэдийн таржээ. Тийм ч учраас энэ сонгон шалгаруулатанд оролцож цаг заваа барах нь бүр тэнэг бололтой. Тэртэй тэргүй МХЕГ-ын даргын сонгон шалгаруулалтанд одоогийн дарга нь ялах нь угаасаа ойлгомжтой гэнэ. “Танктай онгоцтой их буутай” хүнтэй хэн ч халз тулаанд ороод ялахгүй биз. Шадар сайдын фракц нь зөвлөх Д.Батбаатараа явуулан МХЕГ-ын өмнөх даргыг бараг л хөөж гаргасан. Ийм их “үнээр” олж авсан албан тушаалаа сонгон шалгаруулалтаар гарж ирсэн нэг “баагийд” зүгээр нэг алдах нь тэнэг хэрэг. Ш.Раднаасэд нь өмнө нь одоогийн МАХН-ын дарга Н.Энхбаяртай ойр байсан. Цагтаа түүний хүүдээ, туслахынхаа ахад компани шилжүүлсэн гэх зэрэг олон сэжиг бүхий гэрээг нь биечлэн боловсруулж өгч бүр нотариатаар батлуулах ажлыг нь хийж явсан. Харин намын дээд удирдлагад хагарал гарах үед тухайн үед генсек байсан У.Хүрэлсүхийг бараадсан. Энэ нь ч зөв байсан гэдгийг өдгөөгийн үйл явдал батлаад байна.
