Л.Пүрэвбаатарын унаа 200 сая бол Н.Золжаргалынх 300 саяын үнэтэй гэнэ үү ?
.jpg)
УБТЗ-ын дарга Л.Пүрэвбаатарын тансаглал энэ өдрийн гол сэдэв боллоо. Хамгийн эмгэнэлтэй нь төмөр замын дарга нар 15 мянган ажилчдынхаа 2,3-р сарын үр дүнгийн шагналт цалинг хасан байж 200 саяын “Лексус 570” авсан гэнэ. Гэтэл цаана нь түүнээс ч үнэтэй унаа хөлөглөдөг том дарга байгаа бололтой. Монголбанкны Ерөнхийлөгч Н.Золжаргалын “зайдалдаг” “Рэнже Ровер”-ийг 300 саяын үнэтэй гэх яриа дэгдээд байна. Тэнгэр хадсан энэ үнэ нь дотоод тоноглол хэрэгсэлдээ байдаг бололтой. Тэр бүх аппарат хэрэгсэлийн дэргэд “Монос” хатагтайг дуу алдуулаад байдаг “бенц” ердөө л хүүхдийн тоглоом гэнэ. Улсын бүх мөнгөнд “эзэн суусан” тэрээр ийм зэргийн машин уналгүй яахав. Мөнгөөр дутна гэж байхгүй тул төмөр замын дарга нар шиг ажилтнуудынхаа шагналт цалинг хасаж танаж “ нэрээ баастахгүй”-гээ мэднэ. Харин ч эсрэгээр нь шагнаж урамшуулна гээч. Саяхны Г.Уянга гишүүний дэлгэсэн баримтаар үзэхэд нийтдээ 3.5 тэрбумаар шагнасан гэсэн. Хамгийн их шагналыг мэдээж Монголбанкны дээд түвшний дарга нар нь авчээ. Эрхэм ерөнхийлөгчийн зөвлөх, Монголбанкны ерөнхий эдийн засагч С.Болд л гэхэд төвбанкнаас 180 сая төгрөгийн буцалтгүй тусламж авчихаж байна. Араас 139.5 саятай Хяналт шалгалтын газрын захирал Д.Ганбат, Дотоод хяналт, үйл ажиллагааны эрсдэлийн газрын захирал Х.Дэлгэр нар шил даран нэхэж явна. Монголбанкны ерөнхий эдийн засагч С.Болд, Хяналт шалгалтын газрын захирал Д.Ганбат, Дотоод хяналт, үйл ажиллагааны эрсдэлийн газрын захирал Х.Дэлгэр нар нь Монголбанкны Ерөнхийлөгчийн Захирлуудын зөвлөлийн гишүүн тул ийн дээгүүр жаалах нь аргагүй биз. Хэдий Захирлуудын зөвлөлийн гишүүн ч Тамгын газрын дарга Д.Чимэд-Юндэндээ ердөө 90-хэн саяыг өгсөн нь жаахан “алагчилсан” болчихсон сурагтай.
NUUTS.mn
