Цагаадсан ЗГХЭГ-ын шинжээч Б.Ганбаатартай “Нийслэл Өргөө”-гийн бусад хэрэгтнүүд барьцжээ
Нийтэлсэн: 2015-03-31 02:23:34
.jpg)
Нийслэл Өргөө” компаний Д.Ганзоригийн хэргээс хоёрхон хүн цагаадан “уснаас хуурай гарсан”. ЗГХЭГ-ын Санхүү хөрөнгө оруулалтын үйлчилгээний хэлтсийн шинжээч Б.Ганбаатар, “Нийслэл Өргөө” компаний ерөнхий нятлан бодогч Л.Сэлэнгэ хоёрт ийм “аз” тохиосон. Шинжээч Б.Ганбаатарыг ЗГХЭГ-ын Баян-Өлгий аймагт баригдах багийн төвийн барилгын ажлын явц байдалд хяналт тавих үүргээ хэрэгжүүлээгүй, мөн “Нийслэл өргөө” компаний барилгын ажлын гүйцэтгэл нь бодит байдалтай нийцэж байгааг хянаж, эрх бүхий байгууллагаар шалгуулж баталгаажуулахгүйгээр аймгийн засаг дарга С.Хавалын хууль бусаар гарын үсэг зурж баталгаажуулсан ажлын гүйцэтгэлийг үндэслэн захиалагч талыг төлөөлж хоёр удаагийн ажлын гүйцэтгэл дээр гарын үсэг зурж баталгаажуулан 1.3 тэрбумын санхүүжилтийг улсын төсвөөс олгуулсны улмаас хүнд хор уршиг учруулсан хэрэгт буруутгасан. Харин тэрээр “Нийслэл Өргөө” нь санхүүжилтийг гаргаж авсан нь намайг актанд гарын үсэг зурахаас өмнө болсон үйл явдал гэж биеэ хамгаалсан гэнэ. Ийнхүү хоёр ч хүн цагаадаад ирсэнд бусад нь барьцаж гарчээ. Тэнсэн харгалзах ял авсан Баян-Өлгий аймгийн МХХ-ийн байцаагч дгийг хавтас хэрэгт авагдсан баримтаар Ялтан Б.Жандаурен ““Нийслэл Өргөө”-д санхүүжилтийг гаргаж өгсөн нь би актад гарын үсэг зурахаас өмнө болсон үйл явдал гэдгийг хавтас хэрэгт авагдсан нотлох баримтаар нотлогдсон, мөн шүүх хуралдааны үед Б.Ганбаатарын “Нийслэл өргөө” гийн барьсан барилгын ажлын гүйцэтгэлийн тооцоо, Баян-Өлгий аймгаас баталгаажуулан ирүүлсэн баримт дээр гарын үсэг зурсан нь эрүүгийн хэргийн бүрэлдэхүүнгүй гэж үзэж хэрэгсэхгүй болгож цагаатгасан нь миний гарын үсэг зурсан акт хүчин төгөлдөр бус гэдгийг баталж байна. Иймд хэргийг үнэн зөвөөр шийдэж, намайг ч бас өгөхийг хүсье” гэжээ.
NUUTS.mn
