Нууц мэдээллийн уурхай

Оюутолгой гэж Монголын төрөөс орлогоо харамладаг, монгол ажилчдаасаа хоолоо  харамладаг компани өмнийн говийн их баялагийг эзэрхийлж. Баялагийг нь эзэрхийлээд зогсохгүй иргэдийг нь элдэв шахалт дарамтанд оруулж өөрийн дураараа ажлаас халдаг болжээ. Тус компанид үйлчилгээний инженерээр ажилладаг И.О-г хөдөлмөрийн ноцтой зөрчил гаргасан хэмээн компаний гадаад захирал, монгол ажилтнууд нь нэгэн дуугаар буруутгаж. Гаргасан зөрчил гэдгийг нь монгол ёс ойлголтоор аваад үзэхэд өмнөөс нь ичиж үхмээр зүйл аж. И.О-гийн нөхөр компаний кемпийн хоолны газраас хоол идсэн байж. Үүнд нь сүржигнэж гадаад удирдлагдаа нэр хүнд олох гэсэн хүний нөөцийн ажилтнууд нь бүгдээрээ дуугаа нийлүүлэн “өөрөө өргөдлөө өгөөд гарвал чамд ашигтай, чамд ажлаас зөрчил гаргасны улмаас халагдсан гэдэг тодорхойлолт гаргаж өгнө” гэж сэтгэл зүйн хувьд дарамт үзүүлж тал талаас нь шахсаар байгаад  өөрийн хүсэлтээр чөлөөлөгдөх тухай өргөдөл гэгчийг бичүүлж авсан гэнэ. Тим Блантон гэдэг захирал нь  .. компанийн дээд шатны менежментээс таны хөдөлмөрийн гэрээг цуцлах шийдвэр гаргасан байна, чи манай сайн ажилтан байсныг харгалзан үзээд чамд өөрөө ажлаас гарах боломж өгч байна... энэ тал дээр саналаа хэлнэ үү.... гэх мэтээр “гадаад менежментийн” загвар гэмээр “боловсон” сэтгэлзүйн даралт хийж. Монгол ажилтан аргагүйдэн өргөдөл бичсэн ч түргэдсэнээ ухаарч маргааш нь “өргөдлөө буцаан авах тухай” өргөдөл гаргажээ. Харин зорьсондоо хүрсэн “Оюу толгой”-н хүний нөөцийн албаныхан хариу өгсөнгүй харин ч хөдөлмөрийн гэрээг цуцалсан тушаалыг нь баяртайгаар гардуулж. Нигймийн хариуцлагатай, олон нийтэд нээлттэй, компаний өндөр соёлтой гэж сайрхдаг “Оюу толгой”-д монгол ажилтны наад захын эрх болох хүсэл зоригоо сайн дураараа илэрхийлэх эрх боломж нь бүрэн хаагджээ. Хэрвээ тухайн ажилтан өөрийн сайн дураар ажлаасаа гарах гэж байгаа бол өргөдлөө бусдын тэр тусмаа ажил олгогчийн шахалт шаардлага, зүй бус нөлөөлөлөөс ангид хийх учиртай. Харин энэ боломжыг нь  “Оюу толгой” хязгаарлаж. Хэдийгээр Тим Блантон мэтийн гадаад захирал нь Налайхын тоосгоны үйлдвэрийн эзэн хужаа шиг монгол ажилчнаа тоосгоор шидэж хөөгөөгүй ч тэрнээс дутахгүй хүйтэн цэвдэг, ёс суртахуунгүй арга хэлбэрээр сэтгэл зүйн дарамтанд оруулж хуурч мэхлэн халжээ.
 

NUUTS.mn