Италид Сильвио Берлусконид хүүхэн “нийлүүлэгчийг” шүүж эхэлжээ
Дэлхийн хамгийн чалхи сайтай Ерөнхий сайд гэгддэг Италийн засгийн газрын тэргүүн асан Сильвио Берлусконид хүүхэн нийлүүлдэг байсан сутенорыг шүүх хурал энэ сарын 20-нд Ромд эхэлжээ. Ерөнхий сайдыг хүүхнээр хангадаг байсан эрийг Жанпаоло Тарантини гэдэг гэнэ. Тэрээр 2008-2009 онд Сильвио Берлусконийн ор дэрний асуудлыг хариуцан ямар бас хэдэн хүүхэнтэй шөнийг өнгөрүүлэхийг нь зохицуулдаг байжээ. Шүүх хуралд нотлох баримт болгон Ерөнхий сайд, сутенор хоёрын ярианы бичлэгийг сонсгосон нь хэвлэлийн халуун сэдэв болоод байна. Уг бичлэгт Сильвио Берлускони “нийлүүлэгчиддээ” гоморхож “Жанпаоло анд минь чи хэтэрхий олон хүүхэн авчирах юм, гэтэл би бүгдтэй нь унтаж чадах тийм залуу хүн биш шүү дээ, бүгдийг гүйцээх гэж зүтгэсээр байгаад нойр ч авч чадахгүй үхтлээ ядрах юм, тэгээд маргааш нь Засгийн газрын хуралдаан дээр донхолзоод уначих гээд байна” гээд “нэг шөнөдөө надад хоёр л байхад болно” гэснийг шүүх хуралдаанд оролцогчидод сонсгожээ.
NUUTS.mn
