Увс аймгийн ШШГА-ны экс нярав согтуудаа даргынхаа машины цонхийг хагалжээ
Нийтэлсэн: 2015-03-25 02:15:39
ШШГЕГ-н хэмжээнд дарга цэргийн ялгаа нэлээд хүчтэй байдаг аж. Увс аймгийн ШШГА-ны нярав нь согтуудаа даргынхаа “Ниссах санну” машины урд талын цонхийг хагалж “хариугаа авсан” гэнэ. Нярав асан дэд ахлагч Р.Батмөнх нь машины шилтэй тооцоо бодох болсон шалтгаанаа “Манай дарга Д.Даваажав намайг байнга дарамталж үндэслэлгүй 2 удаа цалин хасч арга хэмжээ авч байсан бөгөөд хоригдлуудын өмнө намайг гүйгээд яв гэж чулуугаар шидэж байсан ба намайг хашаанаас гаргаж болохгүй гэж бусдад үүрэг өгч байсан, би үүнд нь маш их сэтгэл санааны хямралтай явдаг болсон…Увс аймгийн Улаангом сумын 3 дугаар багийн нутагт байрладаг орон сууцны гадна байсан даргын машины шилийг чулуугаар 3 удаа цохиж хагалсан нь үнэн, тухайн өдөр 20 цагийн үед Лхагвасүрэн, Нэргүй нартай хамт архи ууж нэлээн согтуу явж байсан, би харих замдаа ийм хэрэг хийсэн байсан, даргын машины шилийг өш хонзонгоор хагалаагүй, стресттэй яваад чулуугаар шидэж хагалсан, хохиролд 170 мянган төгрөг төлж өгч уучлалт гуйсан” гэж мэдүүлжээ. Дарга нь няраваа уучилж гомдолгүй гэсэн бичиг цагдаад хийж өгсөн гэнэ. Гэсэн ч сэтгэлд нь “юм үлдсэн” тул удалгүй няраваа халсан аж.
NUUTS.mn
