ЧД-ийн Татварын хэлтсийхэн 3.7 тэрбум төгрөгийн татварын өрийг бүртгээгүй, 759 саяын өрийг мэдээллийн сангаас арилгасан хэрэгт унажээ
Нийтэлсэн: 2015-03-19 02:12:02
Чингэлтэй дүүргийн татварын хэлтсийнхэн их хэмжээний өртэй компаний өрийн мэдээллийг мэдээллийн санд бүртгээгүйгээс гадна мөн л их хэмжээний өртэй компаний өрийг мэдээллийн сангаас арилгасан гэх илүү ноцтой хэрэгт холбогджээ. Хэрэг явдал ТЕГ-ын даргын нэр дээр “гарт нь” гэсэн нэргүй захидал ирсэнээр эхэлжээ. Татварын удирдлага нэргүй захидалтай танилцах үед Чингэлтэй дүүргийн татварын хэлтсийнхэн өөрсдөө бичсэн болох нь мэдэгдэж. Гэхдээ хэн нь ч нэрээ тавиагүй өргөдөл гомдлын шаардлага хангаагүй захидал байж. Ингээд Чингэлтэй дүүргийн татварын хэлтсийнхний эсрэг дотоод мөрдлөгийн ажил эхлүүлжээ. Захидалд ноцтой баримт дурдагдсан тул тэр даруйдаа ажлын хэсэг байгуулагдаж дүүргийн татварын хэлтэст “захиалгат” гэнэтийн шалгалт хийсэн гэнэ. Гэхдээ шалгалтын явцад илэрсэн баримтын үнэн зөвийг ч тогтоож нягтлалгүйгээр хэргийг нь тулгаж сахилгын нэг зөрчилд сахилгын шийтгэлийн хэлбэрүүдийг давхардуулан ногдуулж хомрогдлон арга хэмжээ авсан байна. Чингэлтэй дүүргийн татварын хэлтсийн байцаагчидыг “Афктавт” гэдэг компаний 3.7 тэрбум төгрөгийн өрийн мэдээллийг тодорхой хугацаагаар мэдээллийн санд бүртгээгүйн улмаас уг компанид татвар төлөхөөс зайлсхийх боломж олгосон гэж буруутгаж. Гадны хөрөнгө оруулалттай энэ компанид Татварын ерөнхий газрынхан санхүүгийн шалгалт оруулж 3.7 тэрбумын татварын акт тавьсаныг “Афктавт” эсэргүүцэж ТЕГ-ын дэргэдэх Маргаан таслах зөвлөлд гомдол гаргажээ. Маргаан таслах зөвлөл татварын байцаагчдынхаа талд шийдвэр гаргасныг асуудал шийдэгдсэн, гомдол гаргагч татварын актыг хүлээн зөвшөөрсөн хэмээн үзэж тэрхүү маргааныг хааж. Гэтэл манай төрийн байгууллагын ажлын нүүр царайг харуулсан “гайхалтай” явдал болж “Афктавт” компани нь актанд тусгагдсан татвар торгуулиа төлөх болсон гэдгийг Маргаан таслах зөвлөл нь бүтэн хагас жил өнгөрөөд байхад Чингэлтэй дүүргийн татварын хэлтэсд мэдэгдээгүй гэнэ. Дүүргийнхэн ч асууж сураглалгүй тэр чигээр хаяжээ. Энэ хооронд гадны компани Монголын ТЕГ-ын яст мэлхийн хурдаар явдаг ажлыг нь хүлээж суулгүй компаниа татан буулгаад гараад явчихаж. Нэргэсэн хойно нь хашиграв гэгчээр ТЕГ-хан өөрсдийн буруутай үйл ажилгаагаа мэдээллийн санд бүртгэсэн, бүртгээгүй гэх зэргээр чингэлтэй дүүргийн байцаагчидад арга хэмжээ авнаар хаасан байна. Чингэлтэй дүүргийн татварын хэлтсийн “хамт олноос” ирүүлсэн нэргүй захидалд бас нэгэн баримт дурдагдсан нь “Жи энд Юу Голд” хэмээх компаний их хэмжээний татварын өрийг мэдээллийн сангаас арилгасан гэжээ. Чингэлтэй дүүргийн татварын хэлтсийн эрсдлийн удирдлагын тасгийн дарга Н.Энхсаруулд хуулийн хэлтсийн даргын үүрэг гүйцэтгэгч Б.Ундрах, Хураалтын тасгийн дарга Ч.Бүдханд нар энэ асуудлаар хандаж “хагас жилийн тайлан гарч байхад өр ихтэй байдаг, үүнийг хасаж бүртгэж өгөөч” хэмээн “Жи энд Юу Голд” компаний их хэмжээний татварын өрийг хэрэгсэхгүй болгосон шүүхийн захирамжийг үзүүлжээ. Хэдийгээр татварын өрийг мэдээллийн сангаас хасахад дүүргийн татварын хэлтсийн даргын тушаал гарах учиртай ч нэгэнт шүүхийн шийдвэр гарчихсан үед шууд биелэгддэг журамтай гээд “Жи энд Юу Голд” компаний өрийг мэдээллийн сангаас хассан гэнэ.
NUUTS.mn
