“Бишрэлт”-ийн Б.Ундармаагаас биржийн хүүхнүүд айж байгаа гэнэ
Монголын өхрөнгийн биржид хүүхнүүд их ажилладаг. Ганц бие хүүхнүүд ч олон байдаг сурагтай. Гэтэл “Бишрэлт” компаний гэж овоглодог МАН-ын Б.Ундармаа Монголын хөрөнгийн биржийн захирлаар томилогдож магадгүй нь биржийн бүсгүйчүүдийн дунд нэгэн айдмыг төрүүлээд байгаа гэнэ. Хоёр жилийн өмнө Хүний эрхийн үндэсний комиссоос “Капитал” банкинд шалгалт оруулж, хүний эрхийг зөрчсөн болохыг нь тогтоож, 13 заалт бүхий албан шаардлагыг хүргүүлж байсан удаатай. Учир нь тус банкныхан шинээр орж буй ажилтан тэр тусмаа эмэгтэй ажилтнуудынхаа эрхэнд халдан гэр бүл төлөвлөлтийнх нь талаар хүртэл тусгасан заалтыг хөдөлмөрийн гэрээндээ тусгасан байсан юм. Хөдөлмөрийн гэрээний 2.1-т “Шинээр ажилд орсон эмэгтэй ажилтан 2-3 жилийн хугацаанд гэр бүл төлөвлөлтийг нарийн тооцоолсон байх бөгөөд ажлын зайлшгүй шаардлага, ажлын байрны онцлогоос шалтгаалан энэ хугацаанд нэг сараас дээш урт хугацааны чөлөө, амралт авахгүй байх үүрэгтэй” гэсэн байх юм. Өөрөөр хэлбэл жирэмсэлж болохгүй гэсэн нь тухайн үед шуугиан дэгдээж байсан. “Капитал” банк нь “Бишрэлт холдинг”-д харьяалагддаг агаад Б.Ундармаа нь ТУЗ-ийн гишүүнээр нь ажиллаж байсан. Хэрэв энэ айхтар эмэгтэй манай дарга болбол “Капитал” банкны жирэмслүүлдэггүй” хөдөлмөрийн гэрээгээ чирж ирээд бидэнд тулгах биш юм биз хэмээн биржийн хүүхнүүд шивэр авир хийж байна.
