Нууц мэдээллийн уурхай

Германд болсон том үзэсгэлэнд Ц.Элбэгдорж тэргүүлэн БОНХАЖ-ын сайд Д.Оюунхорол удаалан оролцсон. 2014 онд манайх 393 мянган жуулчин хүлээн авчээ. Тэгвэл энэ хатагтай энэ онд Монгол Улс нэг сая жуулчин хүлээн авна гэж хэлж сууна.  Манай хэд Герамын том үзэсгэлэгд оролцоод “улсаа суратчилаад” ирэхдээ 1.7 тэрбумын зардал гаргаж. БОНХАЖ-ын сайд Д.Оюунхоролын үзэсгэлэнгийн үеэр том хурал удирдан мишээж суугаа зургийг эрхэм уншигч та харж байна. Үүнээсээ маш их таашаал авч байгаа нь царайнаас нь илт. Гэхдээ Монголоо сайхан сурталчилж байгаадаа баяссан уу эсвэл БОНХАЖЯ-наас олон хүн халсандаа мишээсэн үү гэдэг нь мэдэгдэхгүй л байна. Гэхдээ сайд хатагтай аялал жуучлал хариуцсан яамаараа тоглочихоод яаж нэг сая жуулчин хүлээж авах гэж байгаа юм бол. Сайдын гарын үсгээр Усны сав газрын 17 даргыг нэг дор нь халжээ. Нэгхэн жилийн настай сайд нийт Монголын усаар тоглох эхлэл ингэж тавигдлаа. Ажлаа муу хийсэн хүмүүсийг халаад оронд нь сайныг нь авчирч байгаа бол яая гэхсэн. Гэтэл Г.Төрмөнх (Идэр голын сав газрын дарга асан)-ын баталж байгаагаар түр орлон гүйцэтгэгчээр тавигдсан хүмүүсийн олонх нь тухайн орон нутгийн ИХТ, намын идэвхтэй гишүүд, дарга нар гэнэ. Уг нь сав газрын захиргаа тус бүрээр “Усны нөөцийн нэгдсэн менежмент” төлөвлөгөө гаргаад ажиллаж байсан, дарга мэргэжилтэн бүр доод тал нь усны менежментийн чиглэлээр 34 сургалтад хамрагдсан хүмүүс байжээ. Мэргэжисэн ажилтан бэлтгэх, тэдгээрт зарцуулсан хөрөнгө мөнгө нь зэрэг нь улстөрийн томилгоонд нүдэнд нүдэнд харанхуйлсан сайд хатагтайд юу ч биш нь ойлгомжтой. Сайдын шахааны хүмүүс ядахдаа төрийн албаны сонгон шалгаруултанд ч ороогүй гэдгийг Н.Болд-Эрдэнэ (хөвсгөл нуур, Эгийн голын сав газрын дарга асан) мэдэгдсэн. Д.Оюунхорол сайдын томилгооны цаад санааг олж хэлсэн хүн  нь Э.Пүрэвжав (Хараа голын сав газрын дарга асан) юм. Тэрээр “алт зэрэг газрын баялаг усаа дагаж, ус руу ойртох тусмаа нөөц нь нэмэгдэж байдаг өвөрмөц тогтоцтой. Алт болон бусад баялгийг авахын тулд холбогдох хориглосон хуулийг өөрчлүүлэх ажлаа УИХ дахь бүлэглэл аш амжилттай хийсэн. Одоо түүнийг хамгаалж буй сав газрын захиргаадын хуучин удирдлагуудыг өөрийн хүнээр солих ажиллагаа үүгээр эхэлж байна. Эхлээд удирдлагуудыг нь, дараа нь мэргэжилтнүүдийг нь халж, шинээр хүмүүс томилж эхэллээ. Ингэж хэлэх үндэслэл нь алтыг ялган авах хамгийн чухал түүхий эд нь ус. Усыг харин тооцоолж, хориг тавих газар нь Сав газрын захиргаад байдаг. Иймээс л улс төр хийгээд ашиг сонирхлын үүднээс ийм халаа, сэлгээг хууль зөрчин байж хийж эхэллээ” гэсэн..Энэ нь МАНАН-гийнхан ирэх сонгуулийн зардлаа алт олборлогчдыг дарамталж байж босгох гэсэн төлөвлөгөөтэй гэх хардлагыг ч давхар төрүүлж байна.

NUUTS.mn