Гаагын Арбитрын шүүх 50.1 тэрбум доллар төлөөгүй Оросд торгууль тооцож эхэллээ
Нийтэлсэн: 2015-03-17 08:25:10
Өнөөдрөөс эхлэн Гаагын Арбитрын шүүх “Юкос” нийгэмлэгийн хувьцаа эзэмшигчдэд нөхөн төлбөр төлөх шийдвэрийн хугацаа хэтрүүлсэн Оросын Засгийн газарт торгууль тооцох болсоноо зарлажээ. Арбитрын шүүх дээрх нийгэмлэгийн хувьцаа эзмшигчдэд нөхөн төлбөр болгож 50.1 тэрбум долларыг энэ оны 2-р сарын 15-ны дотор төлж дуусгах шийдвэрийг 2014 оны 6-р сарын 28-нд гаргаад байсан. Харин Москва үүнийг нь тоогоогүй тул торгууль тооцож эхэлжээ. Торгууль нь нийт төлбөрийн үнийн дүнгийн 3.3.-3.4 хувиар тооцогдох агаад энэ нь жилдээ 1.7 тэрбум доллар болох гэнэ. “Юкос” нийгэмлэгийн хувьцаа эзэмшигчид анх Арбитрын шүүхэд хандахдаа 103 тэрбум долларын нөхөн төлбөр нэхэмжилсэн. Энэ нийгэмлэгийг Путины үед үндсэн хувьцаа эззэмшигч Михайл Ходорковскийгоос төрийн албадлагаар бараг л дээрэмдэж авчээ.
NUUTS.mn
