Сөүлийн гоо сайхны эмнэлгүүд бөөнөөр эрүүл ахуйн шалгалтанд унажээ
Нийтэлсэн: 2015-03-17 07:21:50
Азийн гоо сайхны хагалгааны төв болсон Сөүлийн эмнэлгүүд эмнэлгийн эрүүл ахуй, ариун цэврийн шалгалтанд бөөнөөр унажээ. Хотын Каннам дүүрэгт оршдог 120 гоо сайхны эмнэлгээс ердөө 10 гаруй нь л шалгалтанд тэнцсэн тухай Солонгосын ЭМЯ-наас мэдэгдсэн гэнэ. Хамгийн сайн мундаг нь гээд сурталчилаад байдаг тэдгээр эмнэлгүүдэд эмнэлгийн эрүүл ахуй, халдваргүйжилтийн наад захын шаардлагыг хангаагүй байжээ. 120 эмнэлгээс ердөө ердөө хоёрхон нь агааржуулатын бүрэн системтэй байсан гэнэ. Мэс заслын өрөөнд нянгийн болон халдваргүйлт тогтмол хийдэггүй, өрөө нь хэт бүгчим тул халдвар авах өндөр эрсдэлтэйд тооцогджээ. Ихэнхи эмнэлэг нь мэс заслын бохироо дотроо хадгалж бөөгнүүлж байгаад хаядаг байсан нь бүр гайхшрал төрүүлсэн гэнэ. 2014 оны тооцоогоор Сөүлийн гоо сайхны эмнэлгүүдэд 200 мянган хүн үйлчлүүлжээ.
NUUTS.mn
