Дорнодын “томоотой” Засаг даргыг огцруулжээ
Манай сайтад энэ аймгийн улстөр бужигнах гэж байгааг мэдээлж байсан. Өнөөдөр йймгийн ИТХ-ын ээлжит 10-р хуралдаан нь үдээс өмнөх хуралдаанаараа Засаг дарга С.Ганбатаа огцруулахаар санал хураахад МАН-ын 18 төлөөлөгч дэмжжээ. Ийнхүү олонхи нь дэмжсэнээр “томоотой” дарга гэгддэг С.Ганбат огцрохоор болов. Засаг даргыг БСГ-ын даргын үүргийг түр орлон гүйцэтгэгч болон хоёр сумын сургуулийн захирлыг буруу томилсон гэх жижигхэн “мэхээр” унагаж. Жил гаруйн өмнө АН-ын С.Ганбатыг Засаг даргад дэмжиж байсан Ардын намын С.Бадамсүрэн нарын гишүүд энэ удаад эсрэг санал өгчээ. Өнгөрсөн сонгуулиар МАН аймгийн ИТХ-д олонхи болсон ч “тодорхой бус шалтгаанаар” засаг даргын суудлаа авч чадаагүй. Иймээс олонхи болсон нам нь орон нутгийн гүйцэтгэх засаглалыг гартаа авах ёстой гэж үзсэн бололтой. Мөн Дорнод аймгийн Ардчилсан намын Зөвлөлдөх зөвлөлийн хурлын тогтоолоор төлөөлөгч С.Итгэл, С.Ганбат, Г.Болдбаатар, Д.Ганцогт, Д.Зоригтбаатар нарыг эргүүлэн татсан тул хуралдаанд таслах эрхгүй оролцож байгааг мэдэгджээ. Ингэснээр АН-ын экс дарга, “алдарт” Г.Болдбаатар аймгийхаа улстөрийн тавцангаас “жийгджээ”.
NUUTS.mn
