Нууц мэдээллийн уурхай

““Клептократия Путина – кто владеет Россией» (Putin’s Kleptocracy: Who Owns Russia?) хэмээх бестселлерийг зохиогч профессор Карен Давиша “The Marker” сэтгүүлд олны анхаарлыг татаад байгаа Путины 14 хоногийн алга бололтын тухай санаа бодлоо хуваалцжээ
Тэрээр ярилцлагынхаа эхэнд “Хэрвээ Путин ойрын үед олны өмнө гарч ирэхгүй бол Кремльд засагийн эрхийг төлөө тэмцэл хурцадсан гэсэн үг” хэмээн мэдэгдэж. Оросын Ерөнхийлөгч 3-р сарын 5-наас хойш хойш гэнэтхэн олны хараанаас алга болсон. Зурагт хэвлэл мэдээлийн аль ч хэрэгслээр гарсангүй, албан ёсны арга хэмжээнд оролцсонгүй. Мөн түүнтэй хамт ГХ-ийн сайд Кирилл Лавров нь алга болсон нь бүр гайхшрал төрүүлж байна. “Болсон үйл явдлыг нягталж үзээд цэргийн эргэлт эсвэл ордны хуйвалдаан маягийн зүйл болсон гэж хэлэх баттай итгэл надад төрсөн” гэж Огайо мужийн Их сургуулийн Орос судлалын тэнхимийн эрхлэгч хэлжээ. Путин болон түүний дагалдагчид Оросын тэрбумтнуудын асар их баялагт суурилсан улс орноо нэг хүний хатуу гарт баттай оруулах гэсэн бодлогыг сүүлийн 10 жил явуулж байгаа гэнэ. Профессор  Карен Давиша Путин судлалд бүхнээ зориулсаны  судлаачын хувьд Оросын  төрийн тэргүүн өөрөө ч асар их баялгийг хуримтлуулсан гэж баталдаг. Түүний тооцоогоор Путины хувийн эд хөрөнгө хуримтлал 40 тэрбум долларт хүрнэ гэнэ. Олон нийтээс ирүүлсэн асуултад хариулахдаа Путины дэглэмийн “хүчилтөрөгч” нь нефть байсан гэжээ. Нэг баррелийн үнэ 140 доллараас буухгүй байгаа үед л энэ хүний засаглал нурахгүй орших аж.
-Оросын олон нийт яагаад Путиныг эсэрэгүүцэн тэмдэггүй юм бол..
-Оросын ХМХ нь Засгийн газрынхаа дээд зэргийн хатуу хяналтанд ажилладаг тул олонхи иргэд буруу төөрөгдсөн мэдээлэлтэй явдаг. Түүнээс гадна Путины засаглалын үед Оросын дундаж давхарга хөл дээрээ боссон. Дундаж давхаргын дээгүүр хэсэгт орох иргэд нь хилийн чанадад амарч тансаг хэрэглэл худалдан авахтайгаа болсон.
-Оросын өнөөгийн байдлыг хэн засаж залруулж чадах вэ ?
-Энэ улсын дундаж давхарга нь боловсрол сайтай, ёс суртахууны хувьд тэгтлээ доошоо уначихаагүй, олон асуудлын учрыг олчихдог бас шудрагадуу талдаа гэмээр хүмүүс байдаг. Мөн өмнөх сонгуулийн саналыг нягтлан судлаад үзвэл Кремль одоо ч гэсэн тэдний итгэлийг бүрэн дүүрэн олж авч чадаагүй нь харагддаг. Тэгвэл Путины төлөө санал өгсөн тосгон, жижиг хот суурингийн иргэд нь харьцангуй боловсрол муутай, мэдээлэлд хүрэх авах боломж нь хязгаарлагдсан байх жишээтэй. Тэдний дунд хэт зүүний эсвэл барууны туйлширсан үзэлтнүүд ч олон. Өдгөөгийн Донецкийн удирдагч гэгдэж байгаа Оросын талыг баримтлагч Игорь Стрелков л гэхэд яг ийм хүн, аюултай гэж үзэхэд болно.
 

Цаашаа орос судлаач Борис Немцовын аллагыг тайлбарлажээ. Түүний дүгнэлтээр сөрөг хүчний удирдагчийг хороосон нь Оросын нийгэмд айдас төрүүлэх замаар иргэдийн нийгэм улстөрийн үйл ажиллагаанд оролцох оролцоог нь багасгах зорилготой гэнэ. Үүний хамт Борис Немцов нь дундаж давхаргад маш нэр хүндтэй байсныг харгалзаж үзэх хэрэгтэй. Түүний аллагын шалтгааныг зөвхөн сөрөг хүчний удирдагч төдийгүү мөн эрх барьж байгаа тэр хүчний авлигалын баримтыг задалж чадах хүн гэдэг талаас нь тайлбарлах хэрэгтэй гэнэ. Сонирхолтой нь талийгаач Борис Немцов нь Карен Давишагийн судалгаанд тусалдаг байжээ. Түүний олж өгсөн баримтуудыг номондоо ашиглаж байсан гэдгээ ч хэлж. Карен Давишагийн үзэж байгаагаар Борис Немцовын дараагаар Оросын сөрөг хүчний удирдагч нь Алексей Навальный болох аж. Гэхдээ жүүд үндэстэнд таагүй ханддаг Навальный нь үүнээсээ болж дэмжигчдээ алдах аюултайг бодолцохгүй байгаа бололтой. Одоогоор Оросын сэхээтний давхаргыг төлөөлж чадах Москвагийн сэхээтний дээд хүрээнийхэнд Алексей Навальный нийтэд хүлээн зөвшөөрөгдсөн удирдагч болж чадна гэсэн итгэл бий болоогүй.  Хэрвээ Путины засаглал нурж сөрөг хүчин гарч ирвэл Алексей Навальный нь улстөр нийгэм-эдийн засгийн олон өөрчлөлт хийх ч Украйн, Кавказын талаар Кремлийн урьдын дээрэнгүй бодлогыг л үргэлжүүлж мэдэх эргэлзээтэй удирдагч гэж дүгнэжээ.

Тодруулга : Карен Дивашагийн тооцоогоор Путин нь 40 тэрбумын хөрөнгөтэй, 27 ордон, эдлэн газартай, 28 хувийн онгоцтой, 4 усан онгоцтой гэнэ.
 

NUUTS.mn