2014 оны сүүлийн улиралд л гэхэд “Эко констракшин” компаний хэмжээнд ослын 13 эрсдэл гарчээ
Нийтэлсэн: 2015-03-16 06:49:04
Монголын барилгын салбарт хөдөлмөр аюулгүйн ажиллагаагаараа эрсдэлтэй компаний тоонд “Эко констракшин” ордог. Хүний амь нас эрүүл мэнд хохирсон болон газар өмчлөлийн томоохон маргаантай хэргүүдэд энэ компаний нэр холбогддог ч ихэнхдээ “уснаас хуурай” гарах бий. Захирал С.Нямдаваад нь компанийх нь барилга барих тусгай зөвөөшөрлийг сунгахгүй эсвэл цуцлана гэсэн шийдвэр тийм ч аймаар сонсогдодгүй гэнэ. “Эко констракшин” компанид томоохон осол гарах эрсдэл нь ихэссэн гэдгийг ХАБЭА-ны албаны даргаар ажиллаж байгаад халагдсан Ч.Д-тай холбоотой явдал баталсан. Тэрээр 2014 оны 5 дугаар сарын 26-ны өдөр “Эко констракшн” компанийн ХАБЭА-ны албаны даргын албан тушаалд оржээ. Ингээд бараг хоёр улирал хүрэхгүй хугацаатай ажиллаад 2014 оны 12-р сард халагдсан гэнэ. Компаний захиргаа ХАБЭА-ны албаны даргаа ажлын цаг ашиглалттай холбоотой зөрчлөөс гадна албаныхаа ажилтнуудыг мэргэжлийн удидлагаар хангаж ажиллаагүйгээс барилга угсралтын талбайд сүүлийн 3 сард 13 эрсдэл үүссэн гэх үндэслэлээр халжээ. Гурван сар буюу нэг улирлын дотор хөдөлмөр аюулгүй ажиллагааны 13 эрсдэл гарсан гэдэг нь маш өндөр тоо гэнэ. Энэ нь “Эко констракшин” компанид аюулгүй ажиллагааны горим журам ноцтой алдагдсаныг харуулж байна. Халагдсан ажилтан шүүхэд хандсан боловч гэнэтхэн нэхэмжлэлээсээ татгалзжээ. Нэхэмжлэгч нь голдуу хариуцагчтайгаа эвлэрсэн тохиолдолд өргөдлөө буцаадаг. Хэрвээ энэ асуудал өндөр авсан бол “Эко констракшин” компанид хөдөлмөр хамгаалал аюулгүй ажиллагаа ямар байдаг тухай ноцтой баримт ч сөхөгдөж магадгүй байсан биз.
NUUTS.mn
