Л.Цог стратеги “судлаач” болжээ
.jpg)
УИХ-ын гишүүд эргүүлэн татагдахаас өмнө 90 саяа янз бүрээр үрж байгаа бололтой. Үүнээс ашигтай нь хэд байдаг юм бол… Л.Цог гишүүн “Стратеги судалгааны нийгэмлэг”-ийн дансанд 25 саяыг шилжүүлсэн гэнэ. Нэрнээс нь харахад олон улсын хэмжээнд судалгаа шинжилгээ явуулдаг, доктор профессорууд л ажиллаж судалгаа хийдэг газар бололтой. Гишүүн мэдлэг чадвартай хүмүүсээр төр “түших” ажилдаа хэрэг болохуйц судалгаа хийлгсэн бол өөрт нь хэрэгтэй л биз. Харин Монголоор дүүрэн байдаг ТББ-уудын жишгээр байгуулагдсан нөхдүүд өгсөн бол ёстой хайран мөнгө болохоос гадна хардлага дагуулж таараа. Б.Ганбат гишүүн хуулийн зөвлөгөө авахгүй бол болохоо байжээ. Тэрээр “Оюуны Инноваци” гэдэг бас ТББ-лийн данс руу 10 саяыг шургуулж зөвлөх үйлчилгээний хөлсөө төлж. Ядахдаа хуулийн фирмээс зөвлөгөө авч болоогүй юм байх даа. Н.Номтойбаяр гишүүн "Олон Улсын мэргэжлийн хөгжлийн институт" НҮБТББ руу гэрээний төлбөрт 13 сая төгрөг шилжүүлсэн агаад “НҮБТББ” гэж ямар байгууллагыг хэлдэг юм бол гэдгийг бодоод олсонгүй.
NUUTS.mn
