“Эрдэнэт” үйлдвэр 7.2 сая долларын найдваргүй авлагыг нь барагдуулж өгсөн “Би Жей Форс” компанид 790 сая төгрөгний хөлсийг нь өгөхгүй “луу унжжээ”-1
Нийтэлсэн: 2015-03-12 01:22:14
Манай төсвийн ганц “саалийн үнээ” болох уулын баяжуулах “Эрдэнэт” үйлдвэр төсөвд татвар сайн өгөхийн хажуугаар нэлээд гар султай газарт тооцогддог хэвээрээ л байна. Энэ нь үе үеийн улстөрчид, засгийн эрхэнд гарсан нам бүлэглэл “Эрдэнэт” үйлдвэрт янз бүрийн шахаа хийсээр ихээхэн өр авлага үүсгэсэн байдаг. Энэ том үйлдвэртэй жирийн ямар ч иргэн бараа шахаж эсвэл гэрээ байгуулж чадахгүй. Дээрээ том татаастай, ардаа найдвартай ар талтай хүмүүс л бэлэн мөнгөөр хахсан энэ саалийн үнээний угжнаас юм салгаж чаддаг. Тиймдээ ч Эрдэнэт”-ийн авлага гэж асар их байдаг. Учир нь авсан хүмүүсийн ихэнхи буцааж өгдөггүй бөгөөд анхнаасаа ийм зорилготойгоор мөнгө салгадаг нь нэгэнт тодорхой болсон зүйл. Хуулийн “Би Жей Форс” компани 2010 оноос “Эрдэнэт” үйлдвэрийн олон жил хуримтлагдсан авлагыг барагдуулах талаар эрхзүйн туслалцаа үзүүлэх, хамтран ажиллах гэрээг удирдлагатай нь байгуулсан гэнэ. Тухайн үед энэ гэрээг үйлдвэрийн хуулийн хэлтсийн дарга Л.Болор-Эрдэнэ, Санхүүгийн хэлтсийн дарга Г.Галбаатар, Их барилгын хэлтсийн ологч дарга Л.Гансүх нар нь “Би Жей Форс” компанитай байгуулж ерөнхий захирал байсан Г.Ганзориг баталжээ. Гэрээ байгуулах үед Эрдэнэт үйлдвэр нь “Строй инвест”, “Макадам” компанид ихээхэн хэмжээний мөнгөө алдсан байсан гэнэ. Ялангуяа “Строй инвест”-д бараг залилуулсан байсан гэж “Би Жей Форс”-ынхон баталж байна. Ингээд тэр их мөнгийг олж ирэх ажилд орж маш их хүч хөдөлмөр урт удаан хугацаа зарцуулж. Тус бүр дөрвөн хүний бүрэлдэхүүнтэй найман баг гарган мөнгө авсан хоёр компанийг бүх талаар нь судлуулж хуулийн олон ажиллагаа явуулж байж эцэст нь тэдгээр компаний захирлуудын нуугдмал хөрөнгийг илрүүлж чаджээ. Илрүүлсэн хөрөнгөө өрөндөө буцааж авахын тулд Арбитрын шүүхийн шийдвэр гаргуулан битүүмжлүүлах шардлага яаралтай гарч. Урьд нь Эрдэнэт” үйлдвэрийнхэн энэ ажиллагааг хийх гээд чадахгүй байсан гэнэ. Энэ үед хоёр тал гэрээндээ нэмэлт өөрчлөлт оруулан “Би Жей Форс” нь “Строй инвест”, “Макадам” компаний нуугдмал хөрөнгийг олж илрүүлж улмаар Арбитрийн шүүхийн шийдвэр гаргуулан битүүмжлүүлээд эцсийн шийдвэрийг захиалагч болох “Эрдэнэт” үйлдвэрийн талд гаргавал нийт хөрөнгийн үнийн дүнгийн 10 хувьтай тэнцэх урамшууллыг авахаар харилцан тохиролцжээ. Эрдэнэт үйлдвэр урьдчилгаа гээд 150 сая төгрөг өгсөн гэнэ. Ингээд “Би Жей Форс” ажилдаа орж нөгөө хоёр компаний нуугдмал хөрөнгийг бимтүүмжлэх шийдвэрийг баталгаажуулах тогтоолыг гаргуулахаар МҮХАҮТ-ийн дэргэдэх Монголын Үндэсний Арбитрд өргөдөл гаргажээ. Улмаар “Эрдэнэт” үйлдвэрийг төлөөлөн шүүхэд нэхэмжлэл гарган оролцож нийтдээ 11.1 тэрбумын хөрөнгө битүүмжлүүлэхээр шийдвэр гаргуулан ялалт байгуулсан гэнэ. Шүүхийн шийдвэрээр “Строй инвест”-ээс 3.2 сая, “Макадам” компаниас дөрвөн сая доллар гаргуулж нэхэмжлэгч Эрдэнэт үйлдвэрт олгуулахаар болж. Ингээд гэрээгээр хүлээсэн үүргээ биелүүлсэн гэж үзээд нөгөө амласан 10 хувиа нэхтэл Эрдэнэт үйлдвэрийн удирдлага “унжаад” эхэлжээ. “Би Жей Форс” -ийн тооцоогоор ажлын хөлс нь 940.8 сая төгрөг болох агаад үүнээс урьдчилгаагаа хасаад өдгөө 790 сая төгрөг авах ёстой гэнэ. Харин ажлаа бүтээлгэсэн “Эрдэнэт” үйлдвэрийнхэн өөдөөс нь бид хамтарч ажиллаж байж л энэ дүр дүнд хүрсэн болохоос та нар ганцаараа бүгдийг нь хийгээгүй гэсэн утгатай зүйл яриад эхэлжээ. Ер нь танай компаний хийсэн гээд байгаа ажлын хэмжээ үр дүнд бидний өгсөн урьдчилгааны 150 сая төгрөг яг таарах тул одоо гэрээний нийт үнийн дүнгийн 10 хувиар шагнах тухай яриа байхгүй гэж няцаасан гэнэ./үргэлжлэл бий/
NUUTS.mn
