Сайн хуульчидтай бол “Хан Ресурс”-д ялагдахгүй байсан
Монголын Засгийн газар Канадын Торонто хотод олон улсын Арбитрын шүүхэд “Хан Ресурс” компанид ялагдаж 100 сая долларын нөхөн төлбөр төлөх болсон. Энэ бол маш том мөнгө. Одоогийн үнэ ханшаар 100 сая доллар нь 30 мянган өрхийн хоёр өрөө бүхий орон сууц барьчих хөрөнгө гэнэ. Энэ нь бараг 120 мянган хүн хүн гэр хорооллоос орон сууц руу шилжиж тэр хэмжээгээр багасдаггүй утааг багасгаж болох байлаа. “Хан Ресурс” компаний заргад ялагдсан нь Засгийн газар, салбар чиглэлийн яам нь чадваргүй чадамжигүй болсоныг харууллаа. Гадаадын хуульчдийн эсрэг англиар чөлөөтэй хэлэлцэж мэтгэлцэх мэргэжил чадвартай хуульчид одоогоор л лав алга. Г.Дэнгзэнгээс зөвлөгөө авдаг ЗГХЭГ-д байхгүй дээ. Шинэчлэлийн хэмээх Засгийн газрын үед ЗГХЭГ нь дэд дарга асан Г.Солонготой шүүхдэлцэхдээ тусгай өмгөөлөгч хөлсөлж байсан гэдэг. Сайд асан А.Гансүхийн фирм гадааадын мундаг хуулийн компанийг ялсан тухай шуугиад байна. Заргалдсан хэргийг нь үзвэл мөнгөний тооцоо буюу хоёр талын нягтлан нийлж суугаад л гаргачих тооцоо нийлэх хэмжээний төлбөрийн асуудал байсан гэнэ. Тэгээд ч заргалдагч тал нь цагтаа сайд асантай хуулийн чиглэлээр хамтарч ажиллаж байсан фирм гэдэг. Муудалдцахаасаа өмнө Улаанбаатард нэг офисстой байсан гэхээр лав л “Хан Ресурс”-ын хэмжээний хуулийн нарийн гаргалгаа шаардах зарга биш байж таарна. Монгол төрийн гаргадаг цаашид ч гаргах мулгуу муйхар алсын хараагүй шийдвэрийг мэргэжил чадваргүй хуульчид нь хамгаалж чадахгүй гэдгийг энэ явдал дахин дахин анхааруулж байна.
NUUTS.mn
