Нууц мэдээллийн уурхай

Нэрнээс ч бодоход төрийнх баймаар энэ банкинд ажилтнууд нь давуу эрх эдлэх, албан тушаалаа ашиглан  гэр бүл, хамаатан садантай хөнгөлөттэй нөхцлөөр зээл авах явдал хавтгайрчээ. Төрийнх гэдэг утгаараа хувийн банк шиг нарийн хяналт шалгалтын тогтолцоо байдаггүй бололтой. Хэдийгээр манай банкны салбарын нэр хүндтэй удирдагч тэргүүлдэг ч энэ банк төрийнх бус харин ажилтнуудынх нь банк болсоныг баталсан баримт хүргэе.

1.Төрийн банкны Өмнөговь аймаг дахь салбар :  Салбарын захирал асан Ж.Тунгалагтай  хамааралтай этгээд болох төрсөн дүү Ж..Б  нь 10 сая төгрөгний авчээ. Зээлийн барьцаанд салбарын эрхлэгч нь нөхрийнхөө машиныг 2.5 саяар үнэлэн барьцаалсан байсан, Говийн бүс хариуцсан дэд захирал А.Идэрцогийн дүүгийн нөхөр Х.Э нь мөн 20.5 сая төгрөгийн  зээл авчээ.
2.Төрийн банкны Хөвсгөл аймаг дахь салбар : Харилцааны менежер О.Будхишиг  нь 2014 оны 3 дугаар сарын 31-ний өдөр 30,000.0 мянган төгрөгийн хий орлогыг нөхөр С.С-ын  дансанд төвлөрүүлж, зээлдэгч банкинд биеэр ирээгүй байхад 24 сая төгрөгийн хадгаламж барьцаалсан зээл олгосон. Захирал С.Норовсүрэн нь зээлийн гэрээнд гарын үсэг зурж, тамгаар баталгаажуулахдаа зохих хяналтыг хэрэгжүүлээгүй, депозитыг зохион байгуулалттай санаатай өсгөх үйл ажиллагааг таслан зогсоогоогүй, удирдлагаар хангаж ажиллаагүй байжээ. Банкны ажилтнуудын нөхөр болох Сандагсүрэн, Мөнхжаргал нарт олгосон цалингийн зээлийг шийдвэрлэсэн асуудлыг салбарын захирал нь мөн надад хамаагүй хэрэг гэж тайлбарлажээ.  Харилцааны менежер Б.Амаржаргалын нөхрийн зээлийн мэдээллийг Грэйпбанк програмд буруу бүртгэсэн байсан нь санамсаргүй алдаа гэж ойлгогдохоор зүйл биш байжээ.

Хөдөөний хоёрхон салбарт л ийм явдал гарч байхад хотын салбаруудад байдал хэвийн гэсэн баталгааг удирдлага нь гаргаж өгч чадах болов уу.
 

NUUTS.mn