Олимпийн аварга Наталья Воробьева: Манай охидод ялах итгэл л дутчихлаа
Нийтэлсэн: 2015-03-09 02:39:01
Эмэгтэйчүүдийн чөлөөт бөхийн төрөлд Оросоос Олимпийн анхны алтан медаль авсан Наталья Воробьева Дэлхийн цомын тэмцээнд Японы шигшээ багт ялагдсан шалтгааныг ийнхүү тайлбарлажээ:
-Бид нутгийн дэвжээн дээрээ эх орон нэгтнүүдээ ялалтаар баярлуулах гэсэн боловч чадсангүй. Японы багт нэлээд олон онооны зөрүүтэй хожигдсон.
-Багийн охид тань сэтгэл санаагаар их унасан уу?
-Мэдээж тэгсэн. Яагаад гэвэл бид өмнөө их том зорилго тавиад гарч ирсэн. Тэр тусмаа тэмцээн манай нутагт болсон гэдгээрээ ялах нь маш чухал байсан.
-Ялагдлын шалтгааныг юу гэж үзэж байна юэ ?
-Ялах итгэл дутсан. Харин япончууд эсрэгээрээ байдаг. Тэднийг хамгийн эхлээд л бид ялагдашгүй гэдэгт итгүүлдэг. Түүнээс гадна Японы олимп, дэлхийн аваргууд ирсэн нь манай багт сэтгэлзүйн том дарамт үзүүлсэн гэжээ.
Мартын 8-ны баярын өдөр эмэгтэй шигшээ баг нь ялагдаж алтан медалиас мултарсанд оросууд ихэд гутарсан гэнэ. Энэ удаагийн тэмцээнд манай баг амжилттай барилдаж хүрэл медаль хүртсэн.
