Энэ кавказ эр Борис Немцовыг буудсанаа хүлээжээ
Нийтэлсэн: 2015-03-09 01:56:48
Хэдий амралтын өдөр байсан ч гэсэн 3-р сарын 8-нд Москвагийн дүүргийн Басманны шүүх ажиллаж Борис Немцовын аллагад сэжиглэгдэн баривчлагдсан таван этгээдийг баривчлах тогтоол гаргажээ. Хэрэгтнүүдийг авчирахаас өмнө шүүхийг хүч нэмэгдүүлэн хамгаалсан агаад хуягласан машинаар сэжигтнүүдийг авчирчээ. Сэжигтэн этгээдүүд бүгд кавказ гаралтай гэнэ. Анзора Губашев, Заур Дадаев, Шагид Губашев, Рамзат Бахаев болон Тамерлан Эскерханов нарыг хэрэгт холбогдолтой гэж үзсэнээс шүүх танхимд Заур Дадаев нь Борис Немцовын аллагад оролцсоноо хүлээн зөвшөөрчээ. Хэдий аллагад гар бие ороцсоноо хүлээн зөвшөөрч мэдүүлэг өгч байсан ч гэмшиж зовсон шинжгүй инээмсэглэж эрэлхүү байдалтай байсан нь гайхал төрүүлсэн гэнэ. Тэд нарыг Чечений нийслэл Грозный хотоос баривчилжээ. Зургаадахь сэжигтэн болох Беслан Шаванов нь баривчлах үеэр өөрийгөө гар бөмбөгөөр дэдбэдж амиа хорлосон гэнэ. Урьдчилсан мэдүүлгээр Анзор Шеванов нь машин барьж харин Заур Дадаев нь Борис Немцовыг бууджээ. Бусад нь мэдээлэл цуглуулах, буу сум олох зэргээр хамжигчаар оролцжээ. Заур Дадаев нь Чеченый удрдагч Рамзан Кадыровын байгуулсан “Север” гэдэг тусгай ангийн дайчин байсан, “Эр зоригийн одон”-гоор шагнуулж байжээ. Тэрээр бас нэгэн шуугиан дэгдээсэн мэдүүлэг өгсөн нь Борис Немцовыг хөнөөх даалгаварыг Украйны талд Донецкод байлдаж байгаа Жохар Дудаевын нэрэмжит Чечений хүчнээс авсан агаад шанд нь 8 сая доллар амласан гэнэ.
NUUTS.mn
