Ц.Элбэгдоржийн шийтгэнэ гэсэн прокурор эмэгтэй хэн бэ ?
.jpg)
Ц.Элбэгдоржийн уучлалаар Америкдаа буцсан “Саусгоби сэндс”-ийн Жастин Капла нутгийнхаа сонинд ярилцлаг өгөхдөө ноцтой зүйлийг дэлгэжээ. Уучлал үзүүлэх тухай яригдаж эхлэхэд Монгол Улсын Ерөнхийлөгч хүртэл намайг шоронд оруулсан прокурорыг “Тэр эмэгтэй ямар нэгэн нөлөөнд автсан байх. Прокурор хэний нөлөөнд автсанаа хэлэх ёстой эсвэл хариуцлага тооцох болно” хэмээн хэлснийг сайн санаж байна гэжээ. Ийнхүү хуулиар олгогдсон эрх мэдлийнхээ хүрээнд эрх үүргээ хэрэгжүүлсэн прокурорыг Ц.Элбэгдорж шууд яллаж бусдын нөлөөнд орж гадны “шудрага иргэнийг” шийтгэсэн хэмээн буруутгасан болж байна. Улмаар “хэний нөлөөлнд орсоноо хэлэхгүй бол шийтгэхээр” сануулж. Хэрвээ Жастин Каплагийн ярьсан үнэн бол төрийн тэргүүн хүний амнаас гарамгүй үг хэлж. Монгол улсын Ерөнхийлөгч ямар ч нөхцөлд монгол төрийнхөө талд орж төрийн албан хаагч хэн ч байсан гэсэн өмгөөлөх учиртай. Гэтэл шууд нөгөө талд нь орсон гэж дүгнэхээр үг үйлдэл хийсэн бололтой. Жастин Каплагийн “намайг шоронд явуулсан прокурор” гэж шүүх хуралдаанд улсын яллагчаар оролцсон эмэгтэйг хэлж байгаа аж. 2015 оны 1-р сарын 30-нд дүүргийн Эрүүгийн хэргийн анхан шатны 2-р шүүхэд болсон хуралд улсын яллагчаар Г.Г гэдэг прокурор эмэгтэй оролцсон. Өдгөө тэрээр төрийн эх ашгийг хамгаалсаны төлөө шийтгүүлж магадгүй нөхцөл байдал үүсээд байна. Энэ бүхэн монгол төрийн эрхэнд ямар хүмүүс гарчихаад байгааг эргэцүүлэн бодоход өөрийн эрхгүй хүргэж байна. Ерөнхийлөгчийн хуулийн зөвлөх Ч.Өнөрбаяр өмнө нь улсын яллагч нарыг буруушаах зүйл ярьж “эхлээд торгох ял төлөвлөөд байснаа дараа нь орохдоо хорих ял болгосон” гэх зэргээр буруутгаж байсан. Энэ нь Ерөнхийлөгчтөн гадныхны өмнө ихээхэн сул дорой байдал гаргаж улсынхаа прокурорын байгууллагыг хүртэл буруушааж байсан гэж дүгнэхэд хүргэж байна.
NUUTS.mn
