Логийн Цогийн сэтгүүлч гүтгэсэн нүгэл…
Өнгөрсөн жилийн Наадамын өмнөхөн Эрдэнэт хотод суух Оросын консул нутаг буцаж том хүлээн авалт хийжээ. Энэ хүлээн авалтанд орон нутгийн дарга удирдлагаас гадна хотоос нэгэн том зочин ирсэн нь УИХ-ын дэд дарга Л.Цог байжээ. Тэрээр орос консултай их сургуулийн найз тул ийнхүү заавал ч үгүй очих ёстой гэсээр иржээ. Үдэлтийн будаалга өргөн дэлгэр болжээ. Найрын дараа хот буцахаар яаравчилж байгаа Л.Цогтой аймгийн удирдлага уулзалт хийх боловч эрхэм дарга татгалзсан гэнэ. Нутгаас сонгогдсон гишүүн нь ингэж загнасан нь ихэд гайхал төрүүлж. Ядахдаа иргэд сонгогчидтойгоо уулзалт хийдэггүй юмаа гэхэд баяр наадамын мэндчилгээ дэвшүүлчих ч ухаан байсангүй гэнэ. Энд нэгэн сонин зүйл байдаг нь эрхэм дэд дарга Эрдэнэтээс сонгогдсон атлаа тойргийнхоо хэвлэл мэдээллийн салбарыхныг том гүтгэсэн нүгэлтэй аж. Түүнийг МАХН-аас нэр дэвшихээр ёстой “сүүдрээсээ өөр нөхөргүй, сүүлнээсээ өөр ташуургүй” шахам Эрдэнэтэд ирэхэд нь сонгогчидод таниулах, сурталчилах тал дээр орон нутгийн хэвлэлийнхэн сэтгэлээрээ чадлаараа дэмжсэн гэдэг. Гэтэл УИХ-д сонгогдсоныхоо дараа “Эрдэнэтэд шантаажны сэтгүүлзүй ихэд хөгжсөн, надаас нэг сэтгүүлч арван сая төгрөг нэхсэн” гэж ярилцлага өгсөн нь жинхэнэ хүн чанаргүй хэрэг болжээ. Эрдэнэтийн хэвлэлийнхэн тэр мөнгө нэхсэн сэтгүүлчийнхээ нэр усыг хэлэхийг шаардахад мань эр хар цагаан зугтаасаар өдий хүрчээ.
NUUTS.mn
