Г.Дэнзэн гадагшаа гарсан тухай мэдээлэл таржээ
.jpg)
АТГ-ынхан “Эрдэнэс Тавантолгой” компаний захирал Я.Батсуурийг үргэлжүүлэн хорьж байна. Түүнтэй холбоотой асуудлаар өмнө нь тус компани ТУЗ-ийн даргаар ажиллаж байсан алдарт “хүргэн” Г.Дэнзэнг асуухаар мэдэгдэл хүргүүлэх гэсэн боловч олдохгүй байгаа аж. Эх сурвалжын мэдээллээр түүнийг хил гарсан байж магадгүй хэмээн таамаглаж байгаа гэнэ. АТГ олохгүй бас холбоо барьж чадахгүй байна гэхээр үнэн байх магадлалтай. Тэгээд ч энэ талаар улстөрийн дээд хүрээнийхэн шивэр авир хийгээд эхэлж. Я.Батсуурийг баригдсаны дараа “Эрдэнэс Тавантолгой” компаний гадаад дэд захирлууд нутаг яаран буцсан гэсэн. ЗГХЭГ-ын дэд даргын ажлаасаа буусаны дараа Г.Дэнзэн хэсэгтээ Тони Блэйрын санд ажилласан. Эндээс олсон “туршлагандаа” үндсэлэн ЗГХЭГ-д хүртэл зөвлөх үйлчилгээ үзүүлж байсан. Хэрвээ Г.Дэнзэн гадагшаа явсан бол түүний зүрх зориг нь хүрсэнгүй гэж хэлмээр. Гэхдээ л өмнө нь гадагшаа гараад арга буюу буцаж ирж байсан Т.Билэгт нараас сургамж аваагүй байна даа.
NUUTS.mn
