Нууц мэдээллийн уурхай

МАН байгуулагдсаны 94 жилийн ойгоор Дархан-Уул аймгийн Монгол Ардын Намын хороо Улсын Тэргүүний намын хороогоор шалгарчээ. МАН-ын хорооны дарга  С.Насанбат  нь “Эв эеэ хичээж, хамтдаа нэг баг болон ажиллаж чаддаг зорилготой, тэмүүлэлтэй хамт олондоо баярлалаа. Мөн Дархан-Уул аймгийн Монгол Ардын Намын гишүүд, дэмжигчид та бүхэндээ маш их баярлалаа. Та бүхний минь дэмжлэг ямагт чухал байдаг” хэмээн “хайр зарлажээ”.  2012 оны сонгуульд Дархан-Уул аймгийн ИТХ-д олонхи болж 18 суудал авсан энэ “нэг баг”  амлалт бүтэх хэрэгжих эсэх нь хамаагүй хамгийн гол нь сонгогчдын чихэнд л чихэр шиг сонсогдох ёстой зарчмаар “оролцсон” агаад одоо үүндээ эргээд ороодогдож байна.  Ямар ч сонгуульд нэр дэвшигч нь улстөрийн  намын мөрийн хөтөлбөрд тусгагдаагүй зүйл амлаж болохгүй, мөнгө төгрөг хөрөнгө орсон санхүүгийн шинжтэй амлалт амлаж болохгүй гэснийг МАН-аас нэр дэвшигчид бүгдээрээ хэрхэн зөрчсөнийг хүргэе :
-Аймгийн засаг дарга, МАН-ын хорооны дарга  С.Насанбат : Орон нутгий сонгуулийн үеэр тараагдсан “Дархан-хөгжлийн загвар” нэртэй товхимолын арын 7-р хуудсанд “багт эмийн сан байгуулах, халуун усны газар барих, баг бүрд өөрийн гэсэн хогийн машинтай болох, өрх бүр цагийн ялгаатай тоолууртай болох” гэх зэрэг амлалт авсан,
-Дархан сумын Засаг дарга , аймгийн НАМЗХ-ны тэргүүн, Дубайд тансаглагч  Б.Азжаргал : “Өргөө” багт нэр дэвшсэн. Тэрээр сурталчилгаанд ашигласан товхимолдоо “Өргөө багт хэрэгжүүлэх мөрийн хөтөлбөр” гэсэн гарчиг тавьж байгаад 21-р хорооллын 1а,4,5,7,8б, 9, 11,14-р байрны инженерийн шугам сүлжээг иж бүрэн шинэчилнэ гэсэн нь мөн л намын мөрийн хөтөлбөрд тусгагдаагүй, бие даасан, хөрөнгө мөнгөний шинжтэй амлалт авсан байжээ. Энэ амлалтаа сурталчилж явахдаа “сонгуулийн сурталчилгааны явцад бусдыг гүтгэх, доромжлох, гутаах зэргээр мэдээ мэдээллийг төрөл бүрийн хэлбэрээр тараах” гэсэн заалтыг зөрчин энэ үйлдэлдээ цагдаад шалгагдан, сум дундын шүүхээс захиргааны хариуцлага хүлээсэн.
- Дархан сумын 7-р багт нэр дэвшсэн О.Чимидцэрэн : “Багт хэрэгжүүлэх ажлуудаас” гэсэн урт жагсаалтанд “100 хүүхэд хүлээн авах чадал бүхий цэцэрлэгийг 225 сая төгрөгийн өртөгтөйгээр 2012 онд засварлан ашиглалтанд оруулна”, “800 сая төгрөгийн хөрөнгө оруулалттайгаар Канад загварын цэцэрлэгийг 2013-2014 онд ашиглаланд оруулна”, “тус багийн өрхүүдэд Шарын голын нүүрсийг хямд үнээр нийлүүлнэ” гэх зэргээр гоё сайхан амлалт зөндөөг тусгаж. Түүнээс гадна О.Чимидцэрэн нь албан тушаалын байдлаа давуу тал болгон чадамгай ашиглажээ. Тэрээр “Сод Монгол” компаний Дархан дахь салбарын захирал агаад сонгуулийн сурталчилгааны үед “Гэр хорооллын амьдралд чанарын өөрчлөлт хийнэ” гэсэн уриатай сэтгүүл гаргаж нэр дэвшсэн багтаа хийх ажлаа бас л жагсааж бичиж. Түүнд нь нэгэн “чихэр” шиг амлалт байсан нь “Сод Монгол групптэй хамтран Өргөө-3 кинотеатр,номын сан барьж байгуулна” гэжээ.
- ИТХ-ын төлөөлөгч Д.Гантуул : Багийн иргэдийн чөлөөт цагаа өнгөрөөх амралт зугаалгын цэцэрлэгт хүрээлэнг Хараа голын эрэг дээр байгуулна
- ИТХ-ын төлөөлөгч Г.Алтантуяа : Бүх орцыг кодтой хаалгатай болгоно, орон сууцны оочерт багийн иргэдийг түлхүү хамруулна гэсэн. Сонгуулийн сурталчилгааны үеэр “Хангай” зочид буудалд дайллага цайллага зохион байгуулсан тул сүм дундын шүүхээс мөн л захиргааны хариуцлага хүлээлгэсэн.

 

NUUTS.mn