Борис Немцовын аллагын гэрч бүсгүй ой санамжаа алджээ
Нийтэлсэн: 2015-03-02 05:59:40
Оросын сөрөг хүчний удирдагч Борис Немцовыг өнгөрсөн долоо хоногт буудан хороосон. Энэ өдрүүдэд сөрөг хүчнийхэн удирдагчаа хүндэтгэн орон даяар сүрт жагсаал хийж байна. Улаан талбайгаас холгүйхэн болсон энэ аллагын нэг гэрч нь Киевээс ирсэн 23 настай загвар өмсөгч эмэгтэй Анна Дурицкая юм. Тэрээр Борис Немцовоос шөнийн Москваг үзүүлэхийг гуйсанд 55 настай улстөрч татгалзаагүй аж. Аллага болох үед Анна Дурицкая машинд хамт сууж байжээ. Тэрээр болсон явдлыг бас алуурчныг хамгийн ойроос харсан хүн боловч гэнэтийн цочролд орсоны улмаас алуурчны дүр төрх, царай зүс бас унасан машиныг нь санахгүй байгаа гэнэ. Эмч нар түүнийг жүжиглээгүй гэдгийг тогтоосон агаад аллагад цочирдсон бүсгүй шоконд орж хэсэг хугацаагаар ой санамжаа алдсан гэж дүгнэжээ. Өдгөө түүнтэй сэтгэл судлаачид мэргэжилтнүүдийн баг ажиллаж байна.. Анна Дурицкий алуурчин 170-15 см өндөр, богино үстэй мөн хүрэн цамц цэнхэнр жинстэй байсан гэдгийг одоогоор хэлээд байгаа гэнэ.
NUUTS.mn
