Хойд эцэгтээ хүчиндүүлсэн хэмээн худлаа мэдүүлэг өгчээ
Нийтэлсэн: 2015-03-02 04:23:56
.jpg)
Хэнтий аймгийн Хэрлэн суманд нэг “аймшигт хэрэг” дэгдэн алдаад намджээ. 18 настай охин хойд эцгээ намайг байнга хүчинддэг хэмээн худал мэдүүлэг өгөөд амьдралаар нь тоглох дөхжээ. С.О нь мэдүүлэхдээ “Ээж намайг төмөрийн хөрөө аваад ир гэж явуулахаар нь би найз нартайгаа хамт явж байгаад найзындаа хоносон учраас ээж, аав хоёр гэрээсээ алга боллоо гээд цагдаад мэдэгдсэн байсан. Тухайн үед айсандаа болоод аав намайг хүчинддэг байсан гэж худлаа мэдүүлэг өгсөн” гэж эцэст нь үнэнээ хүлээжээ. Гэхдээ тэрээр анх байцаагдахдаа л энэ мэдүүлгийг өгсөн агаад дараагийн дөрвөн байцаалтанд хойд эцэгтээ хүчиндүүлсэн гэдгээ давтан мэдүүлж байж. Үүнийг бас л айснаасаа болж хэлсэн гэнэ. Учир нь байцаагч нь түүнийг нэг хэлсэн үгээрээ байгаарай хэмээн хууль уншин сонсгож айлгажээ. Азаар хойд эцэг нь ховорхон тайван хүн байж таарчээ. Миний дагавар охин Одончимэг намайг цагдаагийн байгууллагад айж сандарсандаа худал мэдүүлэг өгч намайг гэмт хэрэгт холбогдуулсан. Би охиноо хүчиндээгүй. Одоо надад гомдол санал байхгүй гэсэн тул шүүх хойд эцгээ гүтгэсэн охинд засарч хүмүүжихийг даалгах албадлагын арга хэмжээг хэрэглэх нь зүйтэй гэж үзжээ.
NUUTS.mn
