МАН Бал даргыг шийтгэсэн нь…
Өнөөдөр Эх орончдын өдрийн баяр тохиож байгаа бөгөөд МАН энэ баярыг “эх барьж” авсан. Эх орон, газар шороо, уул усаа харийнханд алдах дээрээ тулаад байхад эх оронч гэдгээ баяр хийж шагнал гардуулах бус харин үйлдлээрээ харуулах учиртай. Гэтэл ийм улстөрчид энэ намд олон бий билүү… Ноён уулын санал асуулгаар л гэхэд намын дарга М.Энхболд, Н.Энхболд, Су.Батболд, Н.Номтойбаяр, Я.Содбаатар, Д.Сумьяабазар гээд МАН-ын бүлгийн 16 гишүүн нь өвөг дээдсийн шүтлэгтэй онгон дагшин уулаа харийн шулаачдад өгөх товчлуур дарсан. Одоогийн эдгээр “эх орончдын” дэргэд нам төрийг 40 жил удирдсан Ю.Цэдэнбал жинхэнэ эх оронч байсан гэдэгтэй хэн ч маргахгүй биз. Хэдий тухайн үед их гүрэн ЗХУ-ыг аялдан дагалдаж байсан ч үндэсний эрх ашигийн амин чухал асуудалд Монголоо хамгаалаад аваад гардаг байсан. Харин төр түмнийхээ төлөө дөрвөн арван жил зүтгэсэн зүтгэлд нь одоогийн МАН хар цэг тавин намын шийтгэл хүлээлгэж намаасаа хөөсөн баримтыг уншигчиддаа хүргэж байна.
NUUTS.mn
