“Дүнжингарав-2015 “ уралдаанаар бас л хүүхэд тамлаж байна
Нийтэлсэн: 2015-02-28 10:18:20
Монголдчууд эртнээс нааш хөхөөний дуун гарсаны дараагаар л хурдан морьдоо уралдуулж ирсэн. Гэтэл жилийн жилд хөр өвлийн хүйтэнд хөр цасанд хүүхдээр хурдан морио унаж уралдуулдаг явдал ахиад л давтагдлаа. Уралдаан болох өдөр цаг агаарын нөхцөл байдал хүндэрч цас болон шороон шуургатай, хүйтэн хальтиргаа гулгаатай байх тул хурдан морь үзэх гэж буй иргэд тээврийн хэрэгслийн техникийн бүрэн бүтэн байдлыг сайтар хангах, хурд хэтрүүлэхгүй, урсгал сөрөхгүй байх, хөдөлгөөний аюулгүй байдлыг сайтар хангах, архи согтууруулах ундааны зүйл хэрэглэхгүй байх, тээврийн хэрэгсэл жолоодохгүй байхыг өчигдрөөс анхааруулж байсан. Гэсэн ч уралдаан зохион байгуулагчид болон хучний байгууллагаас аль нь ч хүүхдийн талаар дуугарсангүй, унаач хүүхдийг хуучнаараа л орхигдуулж. Хүйтэн даарах хөрөх, хөлдүү газар унаж бэртэх нь тэдэнд хамаагүй юм байх. Баячууд үнэхээр л өвөл морио уралдуулахгүй бол болохгүй байгаа юм бол насанд хүрсэн хүмүүсээр унуулах хэрэгтэй. Энэ удаагийн “Дүнжингарав-2015 “ бас л зохион байгуулалт муутай болж байна. Урьдын адил морь машин хоёр зэрэг уралдлаа. Морьтой уралдан давхилдах сүрэг жийпийг эрүүл хүмүүс жолоодож байгаа болов уу гэж аймаар… Харин алдарт манлай уяачид дулаан гэрт суух агаад өөрийнхөө морийг ирэхэд гарч харчихаад эргээд ордог бол хөөрхий унаач хүүхдүүд хүйтэн жаварт хайрагдаж догшин морины нуруунд шидэгдсээр шороо шаварт булуулан арай гэж нэг юм бариандаа ирж байна.
NUUTS.mn
