Ерөнхийлөгчийн уучлалд хамрагдсан “азтай” Жастин Капла нар гэж хэн бэ ?
Нийтэлсэн: 2015-02-27 01:13:17
.jpg)
Монголд гадныхан дураараа дургиж юу хүссэнээ хийж байдгийн жишээ бол “Саусгоби сэндс”-ын Жастин Капла нарын хэрэг юм. 35 тэрбум буюу асар их хэмжээний татварыг төлөхөөс зайлсхийсэн хэргээр ял шийтгэгдээд байгаа гадныхан шүүхийн хүчин төгөлдөр шийдвэрийг үл тоомсорлон давж заалдах болон хяналтын шатны шүүхийг шууд алгасан Ерөнхийлөгчийн уучлалд хамрагдсан. Тэгвэл Монголд ирээд татвар төлөлгүй асар их ашиг хийж болдог гэдгийг баталсан Жастин Капла нар гэж хэн бэ ?
-Америкийн Нэгдсэн Улсын иргэн Жастин Капла нь 1973 оны 5 дугаар сарын 3-ны өдөр АНУ-ын Минесото мужийн Миниаплес хотод төрсөн, 41 настай эрэгтэй, дээд боловсролтой, бизнесийн удирдлагын магистр, металлургийн инженер мэргэжилтэй, 2011 оны 6 дугаар сарын 3-ны өдрөөс 2013 оны 2 дугаар сарын 1-ний өдрийг хүртэлх хугацаанд “Саусгоби сэндс” ХХК-ний Ерөнхийлөгч бөгөөд гүйцэтгэх захирлаар ажиллаж байсан, одоо “Засаг чандмань” ХХК-д үйл ажиллагаа хариуцсан захирлаар ажилладаг гэх, эхнэр 2 хүүхдийн хамт амьдардаг,
-Бүгд Найрамдах Филиппин Улсын иргэн Хиларион В.Кажуком ЖР 1960 оны 10 дугаар сарын 08-ны өдөр Филиппин улсын Кабанатуан хотод төрсөн, 54 настай, эрэгтэй, дээд боловсролтой, нягтлан бодогч мэргэжилтэй, 2011 оны 7 дугаар сарын 6-ны өдрөөс 2012 оны 6 дугаар сарын 20-ны өдрийг хүртэлх хугацаанд “Саусгоби сэндс” ХХК-ний санхүүгийн Ерөнхий менежерээр ажиллаж байсан, одоо тодорхой эрхэлсэн ажилгүй гэх, Филипин Улсад ам бүл 5, эхнэр 4 хүүхдийн хамт оршин суух бүртгэлтэй,
-Бүгд Найрамдах Филиппин Улсын иргэн Кристобал Ж.Дэвид нь 1956 оны 7 дугаар сарын 25-ны өдөр Филиппин Улсад төрсөн, 58 настай, эрэгтэй, дээд боловсролтой, нягтлан бодогч мэргэжилтэй, 2007 оны 8 дугаар сарын 1-ний өдрөөс “Саусгоби Сэндс” ХХК-ний нягтлан бодох бүртгэлийн менежерээр ажиллаж байгаад 2009 оны 12 дугаар сарын 01-нээс Санхүү, нягтлан бодох бүртгэлийн ерөнхий менежерээр томилогдож 2011 оны 6 дугаар сарын 6-ны өдрийг хүртэлх хугацаанд “Саусгоби сэндс” ХХК-ний Санхүүгийн Ерөнхий менежерээр ажиллаж байсан, одоо “Монголиа Минералс” компанид хянагчийн албан тушаал хашдаг гэх, Филиппин Улсад ам бүл 4, эхнэр, 2 хүүхдийн хамт оршин суух бүртгэлтэй гэнэ.
