Нууц мэдээллийн уурхай

Монголчуудыг ирээдүйд асар их өрөнд оруулж мэдэх “Чингис бонд”ын мөнгийг атгаж суусны хувьд “Фортуна” Н.Батбаяр сайд байхдаа гар хатуутай байх ёстой байсан. ЭЗХ-ийн яам татан буугдсаны дараа энэ яамтай холбоотой олон “но” илэрч байгаа гэнэ. Энэ нь судалгааны том том төсөлтэй холбоотой бөгөөд ажил нь эхлээгүй байхад зардал хөрөнгийг нь өгсөн эсвэл өөр банкинд нууцаар байрлуулсан зэрэг асуудал гэнэ.  Тухайн үед экс Эдийн засгийн хөгжлийн сайдын багцад бүтээн байгуулалтын төслийн судалгаа шинжилгээний ажилд зарцуулахаар 3.5 тэрбумын хөрөнгө суусан байдаг. Энэхүү  хөрөнгө нь Монголын эдийн засгийн хөгжилд бодитой нэмэр түлхэц өгөх эрдэм шинжилгээ, судалгааны ажилд зөвхөн гүйцэтгэлийн дараа төлөгдөх хатуу гэрээ, журмын дагуу зарцуулагдах учиртай байсан. Гэтэл долоогийн долоон төсөл нь тусдаа ялгараад тасраад алга болжээ. Энэ долоон төсөл нь хэрэгжиж эхлээгүй зарим нь дөнгөж судалгааны шатандаа яваа байсан ажээ. Түүнээс гадна төслийн тайлан дүгнэлт гарах яагаа ч үгүй атал ЭЗЯ-ныхан нийт зардал болох 240 гаруй төгрөгийг төсвийн багцаас салган арилжааны банкинд нууцаар байршуулж байсан нь илэрчээ. Үүний шалтгааныг яаж ч тайлбарлаж болмоор. “Фортуна” сайдын цэргүүд төсвийн мөнгийг арилжааны банкинд байрлуулж хүүг нь “цохисон” гэх хардлага хамгийн түрүүнд төрнө. Эсвэл судалгааны ажлын гүйцэтгэл нь гараагүй байхад зардлыг нь  өгөх зорилгоор өөр банкинд тусад нь хадгалж байсан байж болох юм. Тэгвэл тэрхүү долоон төслийг ЭЗЯ-тай их ойр дотно байдаг “судалгааны баг” авсан байж таарах нь  Магадгүй ах дүү хамаадан садан нь ч байхыг үгүйсгэхгүй.
 
 

NUUTS.mn