НМХГ-ын даргаар ХМХГ-ын дарга асан Л.Төгсбаяр яригдаж байна
.jpg)
МАН-ын Ажлын албаны дарга Ш.Раднаасэд нь МХЕГ-ын даргын үүрэг гүйцэтгэгчээр томилогдсон. Түүний дараагаар удаах албан тушаалд нь шадар сайдын фракцаас нэр дэвшигдээд хэлжээ. Одоогийн байдлаар НМХГ-ын даргад ХМХГ-ын дарга асан Л.Төгсбаяр яригдаж байгаа гэнэ. Түүнийг өнгөрсөн онд МХЕГ-ын дарга Д.Батмөнх халсан. ХЦХГ-ын дарга асан Л.Төгсбаярыг шадар сайдын ойрын хүрээлэлд багтдаг гэж ярьдаг. Түүнтэй хамт ХМХГ-ын Экспорт, импортын хяналтын хэлтсийн даргын албан тушаалыг хашиж байсан Б.Хосбаяр мөн буцаж ирж магадгүй гэнэ. Хэлтсийн даргыг ээлжийн амралттай байхад нь тушаал бууруулсан нэрээр албан тушаалыг нь авсан. Тэрээр үүнийг Д.Батмөнх нарын явуулсан улстөрийн зорилготой ажиллагаа гэж үзэж тухайн үед эсэргүүцэж байжээ. Мэргэжлийн хяналтын ерөнхий газрын даргын үүргийг түр орлон гүйцэтгэгч байхаасаа эхлээд Д.Батмөнх нь ХМХГ-ыг “оролдож эхэлсэн” гэнэ. 2014 оны 1 дүгээр сарын 22-ны өдөр баталсан 01/09 дугаар удирдамжаар ХМХГ-ын болон улсын байцаагчдын үйл ажиллагаанд Хяналт шинжилгээ, үнэлгээний хэлтсийн дарга Я.Ариунзул, улсын ахлах байцаагч Л.Энхбаяр, улсын байцаагч Ж.Нарантуяа нарын бүрэлдэхүүнтэй ажлын хэсэг хяналт шалгалт хийж гаргасан танилцуулгадаа Экспорт, импортын хяналтын хэлтсийн дарга Б.Хосбаярыг хэлтсийн үйл ажиллагааг удирдлага, зохион байгуулалтаар хангаж ажиллах албан үүргээ хангалтгүй биелүүлсэн, хэлтсийн ажиллах чиг үүргийг тодорхой болгох, түүнд нийцүүлэн улсын байцаагчдын ажлын байрны тодорхойлолтыг шинэчлэх талаар санаачлага гарган ажиллаагүй, хэлтсийн шуурхай хурал хийдэггүй, ажлын байрны тодорхойлолтод заасан чиг үүргээ хангалтгүй биелүүлсэн байна гэж дүгнэжээ. Түүнчлэн уг шалгалтыг Хилийн мэргэжлийн хяналтын улсын байцаагч Д.Б-ын гомдлын дагуу хийсэн гэх боловч уг улсын байцаагч нь дараа нь “ Би Б.Хосбаяр даргад холбогдуулж гомдол гаргаагүй, газрын дарга Төгсбаярт холбогдуулж ёс зүйн асуудлаар гомдол гаргасан...” гэсэн мэдүүлсэн гэдэг.
NUUTS.mn
