Нууц мэдээллийн уурхай

Ноён уулаа аварья, урт нэртэй хуулийг хэвээр нь үлдээе хэмээн тэмцэж Хэлмэгдэгсдийн хөшөөний урд өлсгөлөн зарлаад байгаа “Босоо хөх Монгол” хөдөлгөөний хүмүүсийг дэмжигсэдийн хүрээ өдрөөс өдөрт өргөжиж байна. Амралтын өдрүүдээр эдгээр иргэдийг УИХ-ын бие даагч гишүүдээс эхлээд урлаг соёлынхон, бөө удганууд, жирийн иргэд гээд олон мянган хүн дэмжиж байгаагаа биеэр ирж илэрхийллээ. Монголын бөө удганууд ирж нэгдлээ газар шороогоо хамгаалах гэж яармагийн дэнж дээр онгод тэнгэрээ залан ёслол үйлджээ. 160 орчим бөө удган нар Яармагийн дэнж дээр цуглан, онго тэнгэрээ буулгаж, Ноён уул болоод улс орныхоо сайн сайхан, уул усаа тэнгэртээ даатгалаа. Монголчууд нийтээрээ баярлах баяр тохиож байгаа энэ цаг үед нэг хэсэг залуусаа ийн өлсгөөд хэвтүүлээд байх уу хэмээн гайхах бухимдах хүмүүс ч цөөнгүй байна. 50 тонн алтны төлөө мөнгөөр хэмжигдэшгүй эртний түүхийн дурсгал, онгон дагшин байгаль орчноо тавиад туух уу хэмээн УИХ, Засгийн газраас асуух хүн ч олон байна.
 

NUUTS.mn